تفسير احلام الحوامل وتبشيرات الحمل (مع اختكم بوبا القطه )

ان صدقت رؤياك والله اعلى واعلم فهى بشرى لكى بولدين ذكور ولعلهم ليسوا متطابقين اى كل واحد بكيس والله اعلى واعلم مشاء الله تبارك الرحمن :26:
quote=يبه شلونكـ;60353015]..
..

السلام عليكم ورحمة الله وبركاته

بارك الله فيك اختي ورزقك ماتتمنين

بالنسبة لأحلامي يااكثرها الله المستعان شكلوا لأن تفكيري كثييييير .. لكن باحول اتذكر لك اهمها

عندي بنت الله يحفظها وهذا حملي الثاني .. حالتي الدينيه تدهورت عن قبل خاصة المحافظه على الصلاه والله المستعان مع اني الوم نفسي كثييييييييييير .. الله الهادي .. ماني على الورد ولا الاستخاره

..
احلامي

مره حلمت اني رحت ابيع خاتم ((عندي في الحقيقه وكان هديه من اختي وانا بعته قبل فتره ))وزوجي معايه .. ماعجبني السعر اللي حطه البايع .. والغريب انه كل شوي يعدل في الخاتم ويرده اقيسه ولا يعجبني .. واكثر التغير في الحلقه حقته مو في الفصه اللي فوق .. في الأخير من كثر التعديل انصهر الخاتم شوي من فوق .. وقال لنا اشتريه بــ 77 ريال واحنا رفضنا وطلعنا من عنده .. قمنا رحنا لمحل ملابس واشترالي زوجي قميص طويل وساتر لونه غامق ولعله كحلي .. بعدين راح وخلاني كأنه بيصرف فلوس .. قمت انا ادور بالمحل ولقيت شنطه جلد اعجبتني وحتى هيه الوانها غامقه وفيها كحلي وسعرها 18ريال قمت اشتريتها ودخلتها وسط القميص ابدسها لايشوفها زوجي .. بعدها جا زوجي وطلعنا نمشي في السوق وكأنه شعبي .. سمعت حرمه كبيره تسمي وتكبر وتصلي عالرسول شوي الا ولد وبنت البنت اكبر من اخوها وكلهم اطفال جميلين والحرمه كانت تسمي عليهم وتقول الله يحفظكم من العين ... انتهى ...
ان صدقت رؤياك والله اعلى واعلم فهى تصف مدى ترددك فى اشياء مهمه ولعل بعض الامور تكون واضحه ما يبغلها تردد ولكنك متردده وتبشر رؤياكى بنوع الجنين ولعلها بنت وسوف تعرفين واعتقد انك ستحاولى اخفاء نوعها عن زوجك واعتقد ان زوجك يتمنى الولد ولعل سبب حملك لانجاب الولد هذا ما تبين لى والله اعلى واعلم



حلمي الثاني شفت اني دخلت حمام بيت اهلي اكرمك الله .. وطلع مني شي غريب فيه فتحتين يوم فكيتها طلعت مويه كثير بعد نزل جنين لونه احمر ولحمه لكن عضوه الذكري باين قمت انا ابكي بحرقه وطلعت اوريه امي وابويه رحمة الله عليه وكانوا يتغدون بالمقلط وجلست ابكي واقول لهم طلع ولد .. ابويه رحمه الله مارد علي وقام طلع وكانه مو مبسوط .. وامي جلست تطالعني وكانها زعلانه برضه لكنها ماردت علي ... انتهى ...
ان صدقت رؤياكى فهى بشاره بولد ولعل ربى يفرج عليكى من واسع فضله واعتقد والدك ليس راضى عنك بشىء معين فاسال الله لكى الهدايه والصلاح ولنا جميعا هذا ما تبين لى والله اعلى واعلم

الثالث والأخير .. حلمت ان زوجي طلع متزوج قبلي وحده من مكه ومعاه منها بنتين وحده من بناته اسمها ريما .. انا زعلت في الحلم لكن زوجته كانت طيبه فما قلت لها شي وجلست اقول لبنته ريما لا تخاصمين اختك الصغيره وكنت حانه عالبنات لكني مصدومه من زوجي فما عرفت اتصرف .. واقول في نفسي انا اقول ليش مايبغاني اجيب بنت ثانيه اتاري عنده بنتين من قبل ... انتهى ....
ان صدقت رؤياكى فهى تصف عدم ثقتك بزوجك ببعض الاشياء والله اعلى واعلم

ربي يعطيك الصحه والعافيه واعتذر عن الإطاله

..:26:

الله يجزاك خير
حلمت ان الشيخ بن باز جاي بيتي عشان يخطبني
وحزنت كثير لاني متزوجه وزوجي طيب وخلوق
وكان الشيخ مبسوووط وانا اقول ياليت ياخذ وحده من بناتي الصغار بس يصبر حد مايكبرو
بس استسلمت وكاني باخذه وش اسوي:(
حلمي الثاني اني اغسل سمكه ولقيت بداخلها لؤلؤ ولما استخرجته طلع ورق ملون
الحاله الدينيه عاديه
عندي بنتيت وحامل
حالتي قبل النوم الحمدلله اذكار وما ببالي شي

ابعتيه ياغلا

وبيناتك ربى يكرمك وينها