السلام عليكم ..
حبيباتي والله اني كنت مترددة كثير في اني اكتب قصتي لكن احس اني يوم عن يوم يزيد كرهي لهالانسانه
والمشكله اني يوميا اقابلهاا
قصتي ياخواتي .. اني ولله الحمد تيسرت لي وظيفة بديله من الترم الاول وداومت الاسابيع الاولى في امان الله
لكن في الاسبوع الثالث من دوامي تفاجأت بوحدة من المدرسات جات تسألني .. انتي مخطوبة .؟؟ وانو عادي تزوجون من برا القبيله
طبعا انا الوحيدة من المدرسات اللي لسى انسة
وفي الموقف ضاعت علومي وماتوقعت ابدا ان بيكون فيه وحدة تدور عروس بالمدرسة
المهم كلمة منها وكلمة منى قلت اكلم امي والله يقدم اللي فيه الخير ..
جات بعدها بساعة وجايبة معلومات واللي فاجئني انه مو من طرفها .. هي كانت واااسطة لمدرسة ثانية تصير خالة الولد بس كانت مستحيه تكلمنى <<< والله مدري من اللي مفروض يستحى
المهم يابنات انا جيت وكلمت امي ووكلت واحد من اخواني يسأل عن الشاب .. قال اخوي كيف اسأل عن شخص ماعرف الا اسمة وانه في القاعدة .. القاعدة فروع اسأل في كل فرع عن سي السيد هذا اذا لقيت من يدلني عليه ..
وقالو لي اذا باقي اسألت قولي لها نبغى بيانات اكثر وين يشتغل بالظبط وين ساكن وكم سؤال كمان مايهموني
بعدها بيومين رجعت سألتني <<خالته .. اللي كانت مسحية << وقلت لها نفس كلام اخوي وامي ..
ومرت اسابيع وياناااس ماعاد كلمتني في الموضوع ابداا
انتهى الترم الاول .. وسبحان الله تمددت وظيفتي ترم ثاني وبنفس المدرسة
وانا الان والحمد لله مخطوبة وعلى وجه ملكة باذن الله والله ييسرها ..
بس اللي قاهرني ومو قادرة اقوله لاي شخص معاي هي ليش سوت كذا .. والله ياناس مافيني عيب وانا واثقة من هالشي
لكن اللي يذبحنى انها كل صباح اقابلهاا .. ومناوبتي في المدرسة معها والمشكله نفس التخصص
وبكرا عندها حصة وملزومة ادخلها وتدخلي في حصتي << تبادل زيارات
نفسي اني املك الجرأة واسألها ليش تسوي كذا ..
نفسي التمس لها عذر واحد .. يوم عن يوم والله يزيد كرها في قلبي هي والثانية اللي جت كلمتنى
مدري وش اسوي .. انصحوني والله اتمنى تصفى نيتي من ناحيتها ونفسي انسى الموقف
طبعا انا مو مبينه نهاائي انه هامنى الموضوع لكن والله .. اني احزن اذا شفتها ..
وبكرة بالذات مدري وش اسوي..وهي لازم تدخل عندى حصة والعكس
حاجة مهمة ماقتلها << زوجة اخوي اللي كان بسيأل عرفت المووضوع وبين فترة والثانية تسالني باقي كلمتك .. والا لااا .. هذا لوحدة يضايق
يارب اسلل سخيمة قلبي
شاركي في النقاش
سجلي الدخول لإضافة تعليق.
التعليقات
20- يااختي نصيب
وليه سوت كذا .... الله العالم يمكن لا الولد في القاعدة ولا شي وانحرجت ماتدري وش تقول
او يمكن الولد مايدري عن حكاية الخطبة بعد كذا رفض
اسباب وانتهى الموضوع ...........
حبيبتي لاتكرهين احد ولا تدعين على احد ..
والحمد لله .......... هذا نصيبك
صدقيني ياما صار لي مواقف في العرسان .... والحين الحمد لله انا متزوجة ومخلفة واقول يارب لك الحمد ان نصيبي صار معاه مو مع احد غيره
والايه الكريمة "وعسى ان تكرهوا شيئا وهو خير لكم" خير معزي ومطمئن - ماعليك منها..خليك رسمية وانتي لاتجلسين تشككين في نفسك خليك واثقة ...وإنتي اعتبري السالفة ماصارت أبداً...
اكشخي وتدلعي ولاعليك من أحد...والحمدلله انخطبت ماقعدتي تنتظرين المحروس ولدهم... - وعليكم السلام
انتبهى لاتسالينها ليش سوت كذا ومادام انك واثقه من نفسك خلاص انتهت المشكله
فيه الف سبب وسبب تلقين منعهم
يامن الشاب او من اهله
وربى عوضك خيرا منه - وعليكم السلام
يااختي انسي الموضوع ولاتفكري ايش الاسباب
اللي خلتهم ينسحبوا قولي الحمدلله انك انخطبتي
وملكتك قريب خلاص انسي الموضوع واهتمي بنفسك
والله يوفقك كل شي قسمه ونصيب من رب العالمين - عادي تصير كثير
يمكن عجبتيها وكلمتك وبعدين صارت ظروف
ماتدرين وش صار ؟ و شوفيها معاملتها معك زينه وماتغيرت
هدا دليل ان صار شي ومتفشله تقولك وفي النهايه هدا نصيب
والله دائما يختار لنا الافضل
مواضيع مشابهة
تابعي تجارب أخرى من هذا القسم.