ஐ◄████▓▒░░~~ التجمع( الثاني) للتفاؤل والأمل لأمهات المستقبل ░░▒▓████►ஐ

الله يكتب لك اللي فية خير لك

انا اليوم 3 يوم من الدورة وناوية على الكلوميد الله ييسر

بسم الله الرحمن الرحيم
السلام عليكم ورحمة الله وبركاته

الله يا بنات يشهد اني ادعيلكم دايم بالذرية الصالحة البارة
الله يرزقكم جميعا
وما تدرون وين الخيرة فيه
جربت مثلكم الألم النفسي بعد ما جبت طفلي الاول وطولت قرابة العشر سنوات ابي طفل يملا حياتي من جديد
واتألم لما اشوف الناس وتعاملهم معي
لما الوحدة تحمل وتولد وانا اخر من يعلم والامر ما يهمني يهمني انها تغبي بطريقة بايخة وتحسسني انها خايفة من العين
ولما اشوفهم يخبون اطفالهم عني وانا مو مهتمة لهم بالاساس
و لما كل وحدة تسأل ليه تاخرتي ؟؟؟مدري وش تبي ذي
والا الحريم كل وحدة تقولك دكتور ولا مستشفى والله الكلمات هذي تذبحني
والي تطلب رقمي وتبيني بشي هام وتقولي ارقي نفسك روحي لشيخ اخذي من الناس
صح كلهم يبون لي الخير بس كلماتهم تجرح حييييل
لكن الحمدلله على كل حال والله اعلم بالخيرة لي

وبعد عشر السنوات تقريبا اكرمني الله بطفلي الثاني ولله الحمد
بس اقولكم بعض الاسباب لاني احسني مؤتمنة اني اعلمكم والله هو مسبب الاسباب:
1- اكثرت من الدعاء والاستغفار صدقيني كل هذي اسباب والله اذا اراد شيء وضع الاسباب
وانتي ادعي مسبب الاسباب وحده هو القادر على حلها هو القادر على فرجك انتي وزوجك وقادر يعطيك كل الي تبين بدون ما ينقص ملكه شي
بس الثمن هو الدعاء اطلبيه بكل ما اوتيتي قوة وراح تتعجبين من سرعة الاجابة

وعلى قد قوة الدعاء تكون قوة الاجابة وسرعتها
لا تدخرين شي من الدعاء المشروع اطلبي الله وانتي تبكين واشكي له همك باسلوبك مثل ما تشكين لامك او اختك

قولي يا رب يا رجاي ولا لي رجا غيرك يا رب ارحم ضعفي وذلي بين يديك وحاجتي اليك
يارب انت خلقتني وانت اقدر على انت تجعلني انجب اطفال اصحاء معافين صالحين بارين بحولك وقدرتك
يارب اخجلتني نظرات الناس وكلامهم وغمزاتهم
واحزنني همسهم ولمزه وتقولهم علي وتبريرهم
واحزن من حزن زوجي ورغبته بالذرية
وانا أؤمن بك وحدك وراضية بما اعطيتني وبنصيبي لكنك قلت ادعوني استجب لكم وانا ادعوك وموقنة بالاجابة يارب
الهي ان لم يكن بك غضب علي فلا ابالي لكن رحمتك واجابتك دعائي هي رجائي
يارب ودي يكون لي ابناء وبنات ملي ها الدار يلعبون ويمرحون ويقلون لي ماما ويطلبون مني واجيبلهم واسعدهم ارضعهم وااكلهم ويحبوني واحبهم وانت الوحيد القادر على ذلك بحولك وقوتك يا الله
قد دعاك الشيطان واجبته و انت من قلت عنه انه كافر
وانا ادعوك وانا اعبدك ولم اعبدك حق عبادتك فاستغفرك ياربي اللهم اغفرلي وحقق رجائي واجب دعائي انك على هذا قدير

ومن ها الدعاء الي يفيض قوة لله وحده ولا ترجين سواه ابد ابد وكوني واثقة من الاجابة وعيشي الحلم واستعدي له واكثري من الحمد والاستغفار والصدقة
وصدقيني راح تشوفين الاجابة باذن الله

2-اخذت بعض الحوايج كانت عند امي مسويتها حرمة بس مكوناتها (حلبة وحبة سوداء وقرفة مسمار_عويدي,قرنفل_ وزنجبيل)طبعا مطحونة جرش مو طحن ناعم اخذها وقت الدورة حملت منها انا ووحدة من معارفنا سبحان الله بس والله امي ما تقدر تجيب منها ابد حتى في نفاسي ما قالت امي ميدها سويتها بنفسي
لانها ما تسوي الا لبناتها واخواتها بس وعطت امي مرة وامي حييييل تستحي منهم
3-اخذت واسبرين وحمض الفوليك وحديد اذا ما كان علي دورة

و ابقولكم قصة هنا للي حابة تستفيد اختي تزوجت هي وبنت خالتي وبنت عمي في نفس الشهر اختي وبنت خالتي ما حملو لمدة طويلة بس بنت عمي ماشاءالله على طول حملت قلنا يمكن عين صابتهم لانهم الفرق بينهم ايام بس

بعد فترة جابت صديقة امي علبة نيدوا الصغيرة اخذتها من حرمة تسويها وتاكل هي وبناتها منها وتحلف ان كل من اكل منها يحمل اكلت اختي منها ربع العلبة وحملت طبعا ما كنا متاكدين انه من العلبة
واختي حامل زارتنا خالتي وبنتها وقعدوا يسولفون وش سويتوا وين رحتوا ومن ها الكلام امي حلفت لهم ان اختي ما سوت شي لان امي ناسية ومع السوالف ذكرنا العلبة لاننا كنا ناسينها واختي لها حامل بكم شهر
قالت خالتي جيبوها وعطيناهم اياها وفيها ثلاثة ارباع العلبة قالت ما كلتي منها الا ذا بس
واخذت العلبة وحملت بنتها ماشاءالله وسبحان الله كلهم ولدوا بنفس السنة وعيالهم الحين كبر بعض
وطلبت اختي من صديقة امي علبة لجارتها متزوجة رجال كبير ولا حملت وقالت لها ب150 وكنا نحسبها ببلاش :hahaha:
واختي قالت لجارتها ووافقت و الله انا شفنها سمنت مرررة بس سبحان الله حملت بس بعد ما تنفخت من السمنه مع ان اختي وبنت خالتي ما سمنوا منها ابد الا كان شي خفيف
ومرة طلبت علبة لوحدة من صديقاتي يوم راح زوجي ياخذها قال بكم قالت ب100 وعطاها ورجع الخمسين وشاف صديقه من اهل حايل العلبه وسأله قال وش ذي قال هذي تحمّل الحريم<<ابوك يا الوصف :35: وصديقه هذا ما بعد تزوج وطلبها :biggrin2: لاخته يقول انها ما تحمل وانها بتسافر لالمانيا تعالج <<<خذها يحسبها ببلاش ولا حاسب بعد:icon33:
انتظرت اخته تتصل تاخذ الطريقة ما اتصلت وبعد كم شهر ما صبرت اخذت رقم امه وسلمت عليهم وسالتهم عشان اعلمهم الطريقة صارت المرة كانت حامل وما تدري وسقطت وتفشلت ودعيت لها وسكرت
وبعد فترة طويلة سال زوجي خويه اخبار القوطي قال ابشرك عندها بنية والحين حامل من بعد ها القوطي ههههه
بس المشكلة ما اتصلت تبشرني مثل ما اتصلت انا :30:

المهم العلبة هذي اغراضها تقريبا معروفة فيها حلبة وكمون وقرفة وحبة سوداء وزنجبيل وقرنفل مطحونة خشن تؤكل وقت الدورة 3مرات باليوم بس اخذي بالك ما تطلعين مناسبات وقتها عشان ريحة الحلبة وتراها تمتن بعد بس ممتازة للي تبي حمل او مسقطة

والله ارتحت بعد ما كتبت ها الكلام

بس باقولكم باقي عندي علبة ما اخذت منها الا شوي شاريتها 150 ريال اللي محتاجة وما تقدر تشتري اعطيها منها ببلاش عشان تجربها واتمنى ان الله يرزقكم الذرية الصالحة البارة