مها يا حبيبتي
قولي قدر الله وماشاء فعل إنا لله وإنا إليه لراجعون اللهم أجر مها في مصيبتها وأخلف لها خيرا منها عاجلا غير أجل يارب
ربنا يا حبيبتي يقويكي ويزيدك ثبات وصبر ورضا يارب
أنا حاسه بيكي جدا جدا جدا لأني حصلي زيك وفقدت توأم جنه وهو خمس شهور (عمر)
بس عارفه يا مها ساعتها واحده صاحبتي قالتلي حاجه حلوه قوي خففت عني كتير
قالتلي إن ربنا سبحانه وتعالي إبتلاكي كتير ولما لاقكي الحمد لله صابره رزقك بهديتين طفل في الدنيا والتاني في الآخره يكون سبب في دخولك الجنة
إنت كمان يا مها هقولك نفس الكلام إنت ربنا بيحبك قوي قوي قوي علشان كده رزقك بطفلين في الآخره هما دول اللي هيدخلوكي الجنة شايفه حب ربنا ليكي من غير تربيه بقى ولا سهر
وإن شاء الله لما ربنا يلاقيكي صابره ومحتسبه هيعوضك عنهم بأحسن منهم كمان وقريب قوي بإذن الله
عايزه أحكيلك قصة واحده صاحبتي قعدت أربع سنين متنجبش
وبالعلاج ربنا أكرمه وحملت في ثلاث توائم ماشاء الله لكن للأسف معملتش عملية ربط لعنق الرحم ففي الشهر السادس الرحم تقل عليها قوي ومتحملش وجالها طلق مبكر وولدت الثلاثه كانوا ولدين وبنت
وسبحان الله يا بنتي على مافاقت من البنج كان واحد توفى قالت الحمد لله ولبست وهيه رايحه تشوف الإتنين التانيين الود التاني توفى قالت الحمد لله برده وعلى ما وصلتلهم كانت البنت توفت هيه كمان وبرده قالت الحمد لله
لله ما أعطى ولله ما أخذ وكل شيء عنده بمقدار
مش عايزه اقولك والله كانت بتدحك وراضيه ومامتها هيه اللي بتعيط وقالت أكيد خير وربنا كريم ورحيم
مفتش عليها سنه يا مها إلا وربنا كارمها بحمل في توأم ولد وبنت وطبيعي كمان
وماشاء الله عندهم سنتين دلوقتي وزي السكر
إحنا منعرفش الخير فين لكن ربنا وحده اللي يعرف
وإحنا مسلمين أمرنا لله يفعل مايشاء وربنا عمره بيعمل حاجه وحشه
لو إطلعتم على الغيب لخترتم الواقع
إدعي ربنا كتيير وإحتسبيهم عند الله ويابختك بيهم يا مها
ربنا يربط على قلبك ويصبرك ورضيكي ويعطيكي من كل ما تحبي وتتمني حتى يرضيكي يارب
تجمع الموقنات برحمة الله(خبرات متبادلة حول مراكز العقم في مصر)الجزء 20
متابعة النقاش، صفحة 272