ملاتيت الزعتر اكله فلسطينيه وهي مثل الميلفاي بس على عربي فلاحي لا تفوتك سهله بالصور

متابعة النقاش، صفحة 11

شاركي في النقاش

سجلي الدخول لإضافة تعليق.

التعليقات

130
  1. اهلين بنت مفيد
    والله انا بصراحة بشارك اكتر شي بمنتدى المغتربين
    وهاي اول مرة اشارك هون لانه جذبني اسم الملاتيت لانه احنا ما بنسميهم هيك فدخلت اشوف شو هادي الملاتيت وعرفت انهم فطاير الزعتر الاخضر
    انا عايشة بالامارات ولقيت اليوم بالسوق زعتر ورقته رفيعة مش متل تبعنا البياع قالي انه اسمه زعتر فارسي
    المهم اشتريته ورح اعمله بكرة وبخبرك النتيجة
    ازا بدك تتعرفي على الاكلات الفلسطينية الاصلية ما الك الا الختاير الله يخليلنا اياهم
    انا دايما بسال امي عن اكلات زمان وبحاول اكتب علشان ما انسى
    واي سؤال انا حاضرة
    عرفيني عنك اكتر انت وين ساكنه؟
    وانشاء الله بنتشرف بالمعرفة
  2. @bnt_mfyd

    صاحبة الموضوع
    noga2005 ....فعلا الختايره هم مرجعنا الوحيد عنجددد الله يطوللنا باعمارهم::

    الزعتر الفارسي يمكن فيه شوية اختلاف بالطعه صح؟؟هو كله زعتر بس خبرينا بالنتيجه ::

    انا ساكنه بالاردن وخلئت بالاردن وانا ام لطفلين علاء ويارا وشو بتحبي تعرفي من عيوني::

    وانا بتشرف اكتر بمعرفتك ::منوووووره:::
  3. واحنا الحشوة بنحطلها بصل مفروم ناعم وزيت زيتون وسماق وعصير ليمون
    والزعتر اخضر مورق او انابستعمل زعتر ناشف بس بنقعو في ماء فاتر لمدةساعة بس
    و احنا بنسميهم اقراص الزعتر
  4. مرحبا بنات
    عملتهم بس ما طلعت نفس الطعمة
    ما بنصح حدا يعملهم بالازعتر الفارسي (ورقته رفيعة وعروقه ناعمين وطريين)
    اهلين بنت مفيد وانا من اللد وساكنة بالعين في الامارات وعندي ولدين
    شو رايكم كل وحدة تصير تحط اكلة فلسطينية قديمة واحنا بنستفيد
    بس ما بدنا مقلوبة ومسخن والاكلات المعروفة بدنا اكلات قليل اللي سمعو فيها زي مثلا
    العدس بالرقاق او الخبيزة او الرز باللبن
    ازا بتحبوا ردو علي وانا اول واحدة ببدأ
    واهلا وسهلا