تعــــــــالو شـــوفــــو قصتي مع مستــشفى الحبــيب

السلام عليكم يابنات


هالعالم خلاص ماهمها الا الفلوس وبس ارواح الناس مو مهم

تعب ولدي علي ووصلت حرارته 40 وانا روشته وعطيته تحميله عيت تنزل:06: ياربي وش اسوي

الا شوي ولدي صار ازرق بين يديني وقام يهذري وديناه لمستشفى الحبيب حسبي الله عليهم الفجر

دخلت شايله ولدي اقولها حرارته مرتفعه تقول الممرضه لازم استقبال يامال الماحي قلت خلاص زوجي

بيروح يدفع للاستقبال ويالله تمشي سيرلانكيه ميته والناس حيين:mad: وتقيس حرارته وتوريني قلت طيب عارفه انها مرتفعه وتروح وتخلينا شوي ترجع تتشاور هي وممرضه ثانيه مين يشوف حالته اي دكتور

ياناس ياعالم ولدي بيروح مني الا جاء زوجي من الاستقبال وجلس يهاوش عليهم وبالاخير دخلونا على دكتور قال لا ودوه

لطواري الاطفال يوم دخلنا وتنافخ علي الممرضه تقول تعالي هنا واحط ولدي على السرير وتروح تجيب تحميله

وتعطيه وتروح تسولف مع الممرضات واناديها قلت ابي كمادات بارده لازم نكمده الولد مره حار وتروح تجيب

وتحطهم وتروح:mad: طيب ساعديني لاحياه لمن تنادي

كل هذا والدكتور ماشرف ويوم شرف قسم بالله اشك انه دكتور ويكشف عليه قال لازم تودونه لدكتور انف واذن

وحنجره قلت الحين عالج ولدي ويصير خير وراح كتب له مضاد مرتين باليوم

واشيل ولدي ونطلع منهم وتخيلو طول اليوم عيت حرارته تنزل ومن بكره الصباح وديته لمستوصف اهلي

يوم شافه الدكتور انهبل قال التهاب حاد بحلقه حتى الاكل ماياكل ولا يشرب ياعمري

وكتب له ابره لمده 3 ايام والحمدلله والشكر خف بكثير قال المفروض جبتيه على طول قلت وش عرفني

وديته للحبيب واثاريهم ماعندهم سالفه قال غلط حاله الولد ماتستدعي شراب لازم ابره على طول

صراحه مستشفى الحبيب تغير بكثير عن اول ماعندهم ذمه ولا ضمير

39 تعليق 4,118 مشاهدة

شاركي في النقاش

سجلي الدخول لإضافة تعليق.

التعليقات

38
  1. @drob_alshtat

    يساتر ربي لطف بولدك الحمد الله عالسلامه

    كل هالأهليات همهم الماده حسبي الله عليهم ونعم الوكيل
  2. الحمدلله على سلامته
    لاباس طهور ان شاء الله
    انتبهي له في الايام الجاية والله يقويك لان جسمه راح يكون منهك بعدالحرارة
    وكملي الابر واستمري على العلاج لا تقولين خف ورجع يلعب لانها صارت عندي
    وعليك بالاستغفار والصدقة لدفع البلاء عنكم
  3. @hoaaa_ttlb_rda_rbha

    صاحبة الموضوع
    thmar
    الحمدلله على سلامته لاباس طهور ان شاء الله انتبهي له في الايام الجاية والله يقويك لان جسمه راح يكون منهك بعدالحرارة وكملي الابر واستمري على العلاج لا تقولين خف ورجع يلعب لانها صارت عندي وعليك بالاستغفار والصدقة لدفع البلاء عنكم
    ياعمري مره نحف الله يشفيه يارب

    مشكوره ياقلبي

تابعي تجارب أخرى من هذا القسم.