السلام عليكم ..شخباركم بنات؟؟
اول شي احب اعتذر لخواتي اللي ارسلوا لي ع الخاص لاني مارديت عليهم والسبب اني مابعد وصلت 50 مشاركه واقصى حد للرد في المنتدى 3 مشاركات في اليوم
اعذروووني ..
قررت اني انزل موضوع عن الخلطه الي سالوني عنها البنات هي تنعم بس يبي لها صبر هاه تراني علمتكم لازم تستمرون عليها ..
ايه وبعد لاتتوقعين ان شعرك بيجي حرير منها لا هي تنعم شوي ويصير شعرك احسن من اول وتقدرين تستشورينه بالبيت
الحين بعطيكم الاشياء الي بتخلطونها وكلها تقريبا طبيعيه بس مابي منكم الا الدعاء لي ولأمي بالتوفيق والهدايه ولأبوي واخوي بالرحمه..
بسم الله:
علبة زبادي
مايونيز
اي زيت عندك(اذا كان عندك اكثر من زيت عادي حطي من كل زيت ملعقه)
سدر مطحون
اكليل جبل مطحون
سمسم مطحون
عشبة الحديده مطحونه(تلقونها عند العطار وممكن تستغنون عنها)
فاشكول(او اي حمام زيت عندكم)
حلبه مطحونه(حطي ملعقه صغييييييره لاتكثرون عشان الريحه)
______________-
بالنسبه للطريقه عادي اخلطيهم مع بعض وحطيها ع شعرك من ساعتين الى 4 ساعات وبعدها اغسليها عاااادي بالشامبو والبلسم اذا كنتي تستخدمينه او حمام زيت
واذا حسيتي فيه ريحه باقي من الخلطه جيبي نعناع مجفف واطحنيه وحطيه بمويه واغسلي به شعرك بعد الخلطه ..
اذا تبين تحطينها بالاسبوع مره او مرتين او ثلاث بس اهم شي الاستمررررررررررررررررررراااااااااااااااااااااارررررررر
_______________----------
وبخصوص عشبة الاس لكل اللي سالوني انا استخدمها مطحونه وانقعها في مويه يوم كامل وبعدين اصفيها واحط مويتها في رشاش مويه بلاستيك واستخدمها ع جذور الشعر يوميا الصبح عشان ماانسى وهي تطول بشكل رهيب بس يبي لها استمرار
وسلامتكم ..ادري طولت عليكم بس ماابي الا انكم تستفيدون وتدعون لي واي وحده تبي اضيفها ع المسن ترسل اميلها ع الخاص لاني ماقدر ارد ع الخاص وغير كذا المشاركات في المنتدى محصوره ب3 ردود في اليوم
سامحوني ع الاطاله والتقصير
شاركي في النقاش
سجلي الدخول لإضافة تعليق.
التعليقات
9مواضيع مشابهة
تابعي تجارب أخرى من هذا القسم.