شاركي في النقاش

سجلي الدخول لإضافة تعليق.

التعليقات

22
  1. @aadd_aboha

    السلام عليكم ورحمة الله وبركاته


    ربي يوفقكم وييسر امركم ويعينكم على انكم تسوون عروس مافيها معصيه


    بنات والا حريم خخخخخ

    بسألكم احد فيكم هنا من الرشيدي

    والا يعرفهم



    تكفون ضروري


    ربي يرزقنا اجمعين

    اللهم امين
    اللهم امين
    اللهم امين



    وصلى الله وسلم على نبينا محمد-عليه الصلاة والسلام-
  2. @dlolh_1_1

    أميرة الكادي
    حلو الموضوع وريف ننتظر التفاصيل سكاكا حلو التوزيعات عجبتني افكارك \ انا افكر اسوي زفة جرات زمزم بس ودي بانشودة او اغنية بدون موسيقى مناسبة تكون وافكر اسوي توزيعات تراثية مع زفة العلم وبانتظار تفاعلكم
    زيت ام وصايف اكتبي في قوقل تطلع كل التفصيل
  3. @wreef_1

    هلا بنات اسفه اذا تاخرت عليكم
    بسم الله الرحمن الرحيم
    اولا كان قصرنا قصر السطان بالرياض على طريق جابر
    ثانيا الطقاقة كانت عهود الجابري من الامارات معروفه اخذناها بدون اورج يعني اسلامي ب15 الف
    ثالثا تزيين الصالة على الطاولات حطينا زي الدائرة قماش كلها لولو وحولينا القماش ورد طبيعي وسوينا كوشة بنفس الموديل اللي على الطوالات وبست للرقص طوله كان 30 سم مو عالي ولبس لنا البست نفس طريقة اللي على الطاولات وحتى الدرج كله ورد طبيعي وزي الكورة بالوسط عليه لولو وكرستال ودخل عند الدرج ومدخل عند الباب وعند مغاسل الحمامات بعد العشاء حاط نفس الطريق والصابون كان شكله غير خلصنا من تزيين الصالة
    الحلويا والفطاير حجزنا حلو قهوة من جهينا على عدد الطاولات وفطاير بعد من عندهم طبعا اتفقنا مع تزيين الصالة انه هو يروح ياخذ الحلويات ويضبطهم مع الورد اللي بيسويه على الطاولات يعني صار على الطاولة صحن حلو قهوة وصحن فطاير وعلبة منديل مع بوكيت الورد اللي على الطاولة وحجزنا من انوشه شوكلاته بلجيكية 4 صحون فخمات انوشه ما يوصلون للقصر يقولون انتي تعال خوذيهم لو حتى قبلها بيوم وحجزنا من اني وداني فطاير فرنسي مع كبة سمبوسة 4 صحون كبار فخمات طبعا هذا كله توزيع يمرون عليهم انوشه واني وداني وسوينا شوكلاته بالكويت حطينا صورة المعاريس عليها بعد 4 سلال فخمات على عدد معازيمنا ووزعنا بيض الحمام حطينا كم حبة بكيس صغير ورتبنا الاكياس بابواق ومكسرات بعد يعني حب وما حب نفس الطريقة غلفناهم باكياس صغيرة ورتبناها بابواق زي السلة يعني ووزعنا كبة شغل عمتي اخت ابوي ووزعنا نسكافيه على عدد المعازيم طبعا الشاي والقهوة على الطاولات يتغيرون بنص العرس ويتوزع العصير مع الفطاير وشاي النعناع مع المكسرات و****لله اكون ما نسيت شي وخلصنا من حلويات العرس
    حجزنا معالي كان اسعاره شوي غالي كان المكياج ب500 ريال والتسريحة ب300 ريال من غير حشوة الشعر ب50 ريال والرموش من عندج ودهن الجسم ب100 ريال يعني كل وحدة بيننا كلفت تقريبا مكياج وتسريحة بنفس يوم العرس 1000 ريال مشغل
    والفساتين كلها مفصلينها بالكويت لانها من كاتلوج سحر الشرق 2011 وتلقونها بموضوع بنفس هذا القسم عنوان الموضوع ورينا اخر فستان شريته واتوقع بصحة يمكن 59 او 58 او 60 يعني بهاذي الصفحات ناسية والله
    البوفيه طبعا من القصر نفسه اتفقنا معاه طبعا زودنا عدد الاشخاص وحطيت ركن بالبوفيه للشورما سويته ب1200 ريال عندي رقمهم اذا تبونه طبعا 1200 ريال خق 250 شخص اذا زودتي يزود السعر كان طعمه وشكله جنان طبعا لا تنسون الذبايح بعد للرجال
    طبعا كنا مجهزين عرس كامل يعني حطينا احتياط لو ما تجي الطقاقة شلون عرس كامل كان 7 سيديات السي دي فيه 4 اعاني طق بدوي و2 اغنية حضري تشغلين السيديات من بداية الحفلة لين ما تنتهي هذا احتياط اذا ما جت الطقاقة من ضمنهم دخلات للعرايس ودخلات للمعاريس وبعد لما يطلعون واغاني انهم معرسين واغنية لام المعاري واغنية لاخوات المعاري واخوات العروس واغنية لعمات المعاريس يعني لو ما تجي الطقاقة ما تشيلين هم عندج السيديات طبعا سوته الوالدة بالكويت لان تعرفون بعذ الطقاقات يسحبون بس الحمدالله جت الطقاقة بنفس الوقت ولو تاخرت نص ساعة تقريبا بس احسن من اللي يسحبون
    طبعا البخور والخلطات كانت من القرشي
    طبعا من القصر مفتشة جوالات وحقة العبايات ومن غير الصببات وانا زودت من عندي يوزعون لي الحلى والفطاير اللي توزيع زودت 6 الوحدة ب200 ريال ومعاهم مشرفة تعلمهم عطيها التعليمات من اول العرس وارتاحي

    ****لله ما اكون نسيت شي واي استفسار انا حاضرة <<<تعبت والا في بعد التصوير والدي جي واللي يزغرطون نسيت اكتبهم بعد كل اغنية كانو يزغرطون 2 مصريات وفي وفي بس تعبت والله يوفقكم

تابعي تجارب أخرى من هذا القسم.