أبدأ رحلتي في هالمنتدى بقصتي مع تأخر الحمل
السلام عليكم ورحمة الله وبركاته
في البدايه يشرفني أكون عضوه في هالمنتدى الرائع وأتمنى أكون عضوة مجتهده في الخير
أبدأ اعرف عن نفسي وأحكي قصتي
عمري 22 متزوجه من سنتين وثمان شهور
بعد زواجي بسبع شهور حملت وكنت طايره من الفرح بس فرحتي ماتت لما قالت لي الدكتوره ان الكيس مافيه نبض او جنين يعني
توقف نمو الجنين في مرحله مبكره وسويت تنظيف
ومن بعدها بدأت المعاناه
دورتي بعد الإجهاض صارت ملخبطه تتأخر عن موعدها أحيانا أسبوعين وقبل ماتجي تنزل افزازات بنيه ثلاث ايام وبعدين ينزل الدم وهرمون الحليب ارتفع كنت كل ماأتعالج يرجع يرتفع وبعد ما استقر شيكت عالمبايض طلع في
ضعف تبويض واخذت كلوميد وكان عندي بويضتين وأخذت ابر تفجير وكان كل شي ممتاز وكنت متأكده اني بحمل بس انصدمت لما جت الدوره حتى الدكتوره انصدمت
وكان هالكلام قبل خمس شهور
وقبل شهر قررنا ان زوجي يحلل وحلل وكانت الحركه ضعيفه وكانت
اربعين في الميه والمفروض أقل شي ستين بالميه وهذا كان سبب تأخر الحمل وقبل أسبوعين مرضت كثير ورحت الدكتور واكتشف إن عندي التهابات شديده جدا في البول واعطاني ادويه وأكيد هذا كان من ضمن أسباب تأخر الحمل لإن الإلتهاب كان عندي من سنه وانا مااعرف والحين تبويضي جيد بس الدوره لسا مخربطه وزوجي عنده ضعف في الحركه
والحين أنا منتظره الحمل من سنتين وقررت أناوزوجي ناخذ علاجات طبيعيه عسل مع غذاء الملكات وعلى الله
بالله ادعوا لي لإن نفسيتي دماااار