ياهلا والله ومرحبا حياكن على القهوة اكيد تعبتن اليوم
اخباركم اليوم عقب الكرف ومسح الغبار والتنظيف يالله تعبت تعب
تخيلوا امس رتبت بيتي من الظهر ويوم جاء العصر طلعت بعد مابخرته
ولما جت العاصفة كنت متاكدة اني سكرت الشبابيك وكنت اقول في نفسي بيصر الغبار خفيف ان شاء الله اهم شي تعدي العاصفه على خير
ويوووووم رجعت لبيتي وشفته :icon810: الله لايوريكم والله يالله اشوف السيراميك
اثاري ابو الشباب زوجي من زود الفلاحه فاتح الشبابيك يبي يهوي البيت على قولته ااامحق تهووويه :angry2:
وش عليه مو متعب نفسه بشي
الله لايوريكم وانتظر لما هدت العاصفة واقوم قلت يالله يامل ماعندك احد بيساعدك وطبعا الجاني زوجي نايم ولاعليه وش يبي بعد سوى انجاز خلى البيت يتهوووى :eek:
واقوم اربط شعري والبس بجامه المهمات الصعبه
وهاتك مسح بهالغبار الله لايوريكم غديت شهباء :hahaha: تقل طالعة من تحت الارض بغيت اروح لزوجي واخرعه عقابا فيه
بس قلت يابنت وش هالفضاوة البيت مليان غبار وانتي تستهبلين <<<<< طبعا كنت اكلم نفسي :p
وقمت على البيت والصور التاليه تعبر

واااخيرا انتهيت ورحت صلحت قهوووة
وجلست اتقهوى قلت اكيد اليوم مافيه احد بحواء ولافيه اخبار عن جداره وحافز والرواتب :hahaha: واتوقع اليوم رجالنا كانوا يدعون ان الراتب نازل اليوم محد حولهم الحريم مشغولات خخخخخخخخخخخخوالحين يلا كل وحدة تقول اخبارها عقب هالعاصفة
الموضوع للفضفضه والفرفشه
ملاحظه / اللي مايعجبها الموضوع مو لازم ترد عليه
لان صراحه فيه ردود مالها داااعي من بعض العضوات الله يهداهن