موقف اختي مع اخو زوجها الغبي المضحك
سلام عليكم
صباح الضحك
بنات بدخل في الموضوع
يااااالله موقف يفشل
بقول لكم السالفة
اختي الله يهديها لسانها متبري منها بس قلبها طيووووب مرة وزوجها عنده اخوان اصغر منه واحد منهم اختي دايم تقول عنه مدلع وشايف نفسه ومرة اختي تقول كنت عند خالتي ( ام زوجها ) تقول اختي قلت لخالتي ورعك فلان مدلعينه ومخلينه على راحته تقول خالتي زعلت مني بس مشت الامور عادي وهالكلام اللي اختي قالته قبل حوالي سنة وخلال هالسنة الوضع عادي بس الظاهر خالتها نقلت لولدها كلام اختي .
لين ربي طرح اختي في موقف يفشل
الموقف حصل يوم الخميس
كانت فيه مناسبة واتفقت مع سلفاتها يجتمعون عند خالتها ويروحون سوا للمناسبة
اللي صار تقول اختي وانا عند خالتي واتجهز واتخبط ويوم نزلنا كلنا بنركب السيارة اثاري اللي مودينا اخو زوجها المدلع خخخخخ تقول ركبنا وخالتي قدام وحنا اربع ومعنا ثنتين من اخواته تقول الا هو يتلفت ويرجع يطالع قدام وامه تقوله وش تحتري قال لاخته فلانه معكم يقصد اختي تقول اخته قالت ايه ليه تسال تقول اختي انا فغرت من سؤاله الغبي قال هيا برا برا تقول اختي ما استوعبت شي تقول صرنا في حرب ما اسمع الا امه تقوله وش فيك يافلان واخته تقول استح على وجهك تقول اختي وانا خارج التغطيه ساكتة انا وسلفاتي والولد يحلف انها تنزل وفي الاخير خالتي كلمت زوجي وجاء واسمعه يتصايح مع اخوه فناداني زوجي وركبت معة ونزلت وانا اتنافض وطول الطريق زوجي يحقق معي وانا مفهية .
اختي تقول تنكدت في المناسبة الله ينكد عليه وما ارتحت لين زوجي فهم من اخوه السالفة وجاء علمني وهو يضحك يقول اخوي ما ينسى لقاها فرصة
باللهي وشرايكم في موقف اختي ياني ضحكت ضحك جد حماها تافه وساعتها الموقف يفشل ويخوف بس حاليا يموت ضحك .
انا كتبت الموقف باسلوبي عاد لو سمعتوه من اختي فطستو ضحك هههههههه
باااااااااااي
شاركي في النقاش
سجلي الدخول لإضافة تعليق.
التعليقات
52- هههههههه وده ينتقم يحسب انها بتقعد في البيت لو ماوداها
الله يسعدك انتي واختك - حماها قليل ادب وذوق ........
بعدين اختك ماقالت شي غلط قالت انه مدلع
بس صراحه قويه ينزلها من السياره .......خخخخ - ههههههههههههههههههه
اخذ حقه منها
الله يسعدها اختك وش عليها مدلع ولا لا ههههههههه
والله ضحكت من قلب - الله يعين اختك موقف يفشل
- صراحه وماتزعلين
الموقف مايضحك
هذي قله احترام من اخو زوجها
وفيه تقليل من كرامتها
والغلط من امه اللي نقلت الكلام اصلا
مواضيع مشابهة
تابعي تجارب أخرى من هذا القسم.