تجمّع جديد لشلّتنا واللي بيدخل حيّاه الله..{من منتصف السابع للولادة}

مرحبا كروووووش...

كيف اصبحتم اليوم..

انا البارح واليوم والله مافيني الا العافية مادري صرت اشك اني توي بالخامس او السادس...
البارح عكس اللي قبلها بغيت اموت من الطلق وعقبها خلاص هدأت العاصفة....حتى اقول لزوجي مني متخيلة يوم ولادتي كيف خايفة انه يصير قولون او غازات وانا غلطانة...خخخخخخ
والله اني احيانا كني مهسترة اكلمه لاتحرك او الاعبه وهو ببطني ابيه يطلع بشوفه خلااااااص...مت من الشوق>> قلبت رومانسية...
يالله يارب مايتم هالاسبوع الا انا والده بالسلامة ومبشرتكم...وانتوا بعد

نوني نوني
هلا ومرحبا فيك معنا...
ماقلتي لنا انتي باي اسبوع من التاسع؟؟؟
واذا تبين شي يحمي الطلق المشي والقرفة والبخور اللي قالت عنه البسمة البريئة..انا راح اجربه ان شالله والله يجعله فاتحة خير عليك...

عصفورة القلب..خلي صديقتك تكثر مشي تاكل تمر...الدم من علامات الولادة واحيانا يستمر معاها يوم او يومين واو اكثر بس بالنهاية راح يجي الفرج ان شالله...والطلق هو من نفسه اح يحتمي كلما فتح الرحم...اختي صار لها كذا بولادتها واستمر ثلاث ايام بدون الم لحد مازاد بالتدريج...الله يهون لها

بطيييييييييييييييييييخة..
والله وحشتيني اكثر وسوالفك اللي تهبببببببببل
وبعدين
اعقلي يالله بلا تفلسف...يعني ولدتي خلاص قمتي تشمتين عالرايحة والجاية يمدحون العاشر يقولون اخف من التاسع عشان كذا اتفقنا نجربه مع بعض...
وبعدين وش قصدك عجوز هااااااااه...>> تحطمممممممممت
الشكوى لله فاتحة عيادة نفسية وطبيه هناااا اوسع صديري لاحقة على الولادة ودبلة التسبد...
وبعدين ياليت تعطيني عنوان منتدى ونه خفوق...ياحبي لها عسل هالانسانة ....
يالله عاد لاتقطعيييييييين واجد ترا لك وحشة...

نجمة الغروب..وينك ماولدتي؟؟؟؟
وبعدين جربي السليق احس له مفعول نفسي >> والله نكسر الخاطر ينلعب علينا بسرعة...

همسة غلا
هههههههههههه جربيه بس مو الحين اصبري شوي لما تدخلين التاسع...

يالله بروح اشوف غداي...مشتهية فرخة محشية ومحمرة زي المسلسلات المصرية لاقاموا ياكلونها بس افتح افمي..

ليان عاد تعرفين ماودي تولدين الحين ياختي بنفقدط انتي وسواليفك الحلوة :27:

بطيخة وش اخبارك واخبار طفلك سولفي لنا ننتظرك :bkh:
نجمة غروب وهمسة غلا وهنوووووووووووود ونوني نوني وبنت جود وليان وكليجة وووووو كل حواملنا هاذي بوسه لكم :26:
ووووووين كليجة من زمان عنها اخاااااااااااااف ولدت مع انها توها :(
و

بنااااااااااااااااااااااااااااااااااااات
لسى ماولدت
بمووووووووووووووت من التعب ومن ظهري ادعوا لي بالسهالة والهون تكفون
ظهري دااااااااااااااااااااااااااااااااايم منمل
اول فرصة ارتاح فبها بدخل واقول لكم وش صار معي خلال هاليومين

وحشتوني حيل حيل حيل
قد مااقول وحشتوني قليل والله ...


المهم انا بخير وحمودي بالف خير الحمد لله ويسلم عليكم وحده وحده ...

ماتوقعت بنولد انا وجنوبية مع بعض رغم اننا بكاريات ...

اتوقعت تسبقنا هنوووووووووود رفيقة حملي لان انا وياها مع بعض حملنا

او ليان او وصوفه ....

بس الحمد لله والشكر

نجي للاهم ....

جنوبية والنعم ... الف الف الف مبروك ويتربون بعزك البنوتات وكنت بخطب مها لحمودي بكذا صعب نخطب وحده ونترك الثانيه
الظاهر بحول على بنت وصايف .....

قلم بنت حر .. حمد لله على سلامتك ومبروك ماجاك

غالييييه .... الفين مبروك ويتربى بعزك خلود وتصدقين دعيتلك بعد ولادتي لانك قليلي بتنقصين بعد الولادة وبالفعل والله رابع يوم وانا ناقصة 10 ك والله ...

شجن ... الف الف الف مبروك وحمد لله على سلامتك

وصوفه .. الف مبروك وانتي لك مباركة خاصه عاد اتصلت فيك ماتردين لكن وراك وراك والزمن طويل ...

نجي لكم حبايبي والله الحمد لله ماخذت من شهري غير 10 ايام وولدت كنت بس امشي وكنت ادعي واقول يارب اولد وزوجي موجود والحمد لله ربي يسرلي وكان زوجي موجود
والله يابنات من جيت عند اهلي وزيارته دايم يوم الاربعاء الا المره هذي اصريت يجي الثلاثاء وبالفعل جاء الساعة 1 صباح الاربعاء اخر الليل في الثلاثاء وجلس مع الوالد حتى 3 الفجر وبعدين جلست انا وياه للساعة 4 وقلتله نام لانه كان تعبان ومرهق من الدوام على الطيارة على الرياض
والساعة 5 الفجر حسيت اني وانتم بكرامة محتاجة الحمام
وبس وقفت الا هذيك الويات اللي وصت الى اسفل رجولي وحاره
والانوار مافي ظلام الغرفة
ومافيني الم وخفت وقلتله قوم قوم قوم

قال وش تبين

قلت شوفني كلي مويه شكلها ولادة قام مفجوع قال يلا بسرعة خرجت بطلع البس والقى اخوي قال وش فيك قلت ولاشي روح بس

الظاهر انه حس وراح بلغ امي طلعت من الحمام لقيتها قدامي وتقول وش فيك

قلتلها كذا وكذا قالت اسم الله عليك لاتخافين بجي معاك قلتلها لا ماتجين قالت لا بجي وياك وانا اقولها لا

خلتني اروح واتاريها ورانا في سيارة اخوي

وانا ماحس بالم ولاشي واقول الحمد لله والولادة شكلها سهلة
عليمية تدرون بكرية ماعندي خبرة .....

المهم دخلنا الطوارئ واخذوني غرفة الولادة وكان فيه ممرضة اردنية دمها ثقيل جات واتأكدت ان المويات نزلت قالتلي انتي باقي 1 سم
والطلق ماهو منتظم ...

وفيك زلال قلتلها : مافيني انا من 3 ايام جيت للدكتورة ماقالتلي غير الوزن زايد مررررررررررره
قالت : هذا يدل ان عندك زلال حمل ومويات وبالفعل حللوا وطلع فيني زلال والحمد لله انه ماجاء غير على التاسع

المهم كانت نفسيات الممرضات خايسة لكن بدا الدوام الصباحي وجاء ممرضات غير للفترة الصباحية

ولله الحمد وحده اسمها هيام لبنانية محجبة زي السكره كانت معاي حتى نقلوني غرفتي والله ثم والله انها بعد الله خففت عني كثير وهدتني وقرات على مويه ورشتها على بطني وحتى طريقتها في القياس غير الدكتورات كانت تقيس الرحم بهدوء وتقراء عليه وتعلمني كأني بنتها ومع هذا مالها غير 7 شهور في المستشفى وماهي متزوجة

كيف تتحمل مدري والله الله يعينها لاتزوجت

المهم حتى الساعة 9 مافتح غير 2ونص وطلق ماهو منتظم

قلتلهم احس عندي الله يعزكم امساك اعطوني الحقنة وبهدها بدا الطلق يزيد والمويات وانا خفت وطلبت من ماما تروح هي وزوجي يرتاحون

ومع اصراري راحت الوالده ووعدتها من يصير 5 سم اتصل فيها

وسلمت عليها وقلتلها سامحيني وجلست تبكي

وقلتلها الان اللي عرفت قد ايش تعبتي فينا

المهم نكمل بدا يشد الام وهم وجات دكتورتي وقالت نعطيك ابرة تشد الطلق وتوسع الرحم وتهديك وتولدين بسرعة قلت لا
حاولت الممرضة فيني قلت لا والف لا ابغى اخذ اجر واولد طبيعي
قاست الدكتورة لقيته مفتوح 3 سم الساعة 11 بعدها شفت الام صح

وطلبت الابرة انا وقتها مع العلم ان الكمام معاي من دخلت غرفة الولادة

وبس اعطوني الابرة وانا مااصحى غير على طلقة واخذ الكمام وارجع انام

حتى الساعة 2ونص
وبعدها اشوفهم يقولون 8 ونص خلاص ولادة وانا ابكي مابغى اولد خلاص

قلتلهم هو في بطني والا في بطنكم خلوه مالكم خص اتركوه مابغى اولد وابكي وطلعوا زوجي من الغرفة ونسيت امي ماخبرتها

وهم يقولون ادفعي وانا اقولهم كيف ادفع هذي ماهي ولادة هذا امساك الله يعزكم وابكي
وهم يقولون الممرضات لا هذا البيبي يضغط على المستقيم فإنتي تحسين فيه امساك
وانا مصره انه امساك ماهي ولادة
اقولهم اول شي اعطوني مسهلات بعدين ولدوني افهموا انا احس هذي ماهي ولادة هذي امساك

والله جننتهم بس لما كانوا يقولون ادفعي كنت ادفع بذمة وهم يقولولي يلا بسرعة نشوف الراس وانا ادفع ونص ساعة وولدت وبعد ماخرج ماعاد حسيت بشي والله غير وهو على صدري ويقولولي شوفيه

وانا من شفته بكيت وبكيت ومدري ليه واشوف

زوجي وامي داخلين يشوفون البيبي بعيد من وراء الستارة والدكتورة ماجات غير وقت الخياطة والله وانا انقهرت من تصرفها هذا بس الحمد لله من شفت حمودي نسيت الولادة والام وكل شي


الله يرزق الكل ولادة سهلة مع العلم انا عمري ماتخيلت الولادة او فكرت فيها

والتساهيل من الله رب العالمين


بس يابنات

احس فيني هواء من ..... وش حله رغم اني اتدفى وسويت كل شي في اكلي وشربي بس مقهوروة

ساعدوني واعذروني حمودي ماخذ كل وقتي

وبطني صغيرونه وابيها تختفي واش اسوي غير الربط لاني رابطة

وابغى اطلع من الاربعين قمر وش الحل ساعدوني ينفع اسوي ريجيم الا او بعد 20 يوم من الولادة رغم ان نفسي مسدودة ساعدوني باقي وارجع وزني 7 ك بس انا ابغى انقص 10 ك


ساعدوني في الخلطات المجربه وسؤيعة المفعول



وعلى فكرة فاطمة عسيري ومستشفى المملكة ماهم ذاك الزود والله انصدمت فيهم مررررررررررررررره


بس الحمد لله اتسهلتلي والتساهيل من الله

ونة منتداها اسمه حياتها والله يعجبكم اغلب بنات حواء هناك