السلام عليكم ورحمة الله وبركاته..
متجمعين عند النبي ان شاء الله.......................
اشحالكم... كنت دايما امر على الموضوع الأول بس ما كان عندي شي اضيفه لكم
ما شاء الله مكفيات وموفيات...
بس قريت كذا صفحه من هذا الموضوع.. قلت يمكن عندي معلومات تفيدكم.......
بالنسبه للمطاعم... اكيد جربتوهم كلهم .. بس من اللي قريته ما شفت حد كتب عن "مغل دبي" اللي في العين مول تحت وبابهم برا
اكلهم هندي ورائع... بهاراتهم وشويهم روعه... ممكن اطرشين الدريول ياخذ لج سفاري
اما عن البوفيهات... اكيد اللي يسوون حلو وايد... بس آخر مره مجربه بوفيه "الخروف الذهبي" صراحه الكبّه مالتهم تجنن مش اي حد يضبطها.. "مب يابسه"
والحلو عندهم يسوون من الكيك الصغنون "عجبتني مالت القهوه" بس اللي شفتهم سألوا عنه اكثر شي هو "كريم الكراميل" خلطتهم روعه .......... وانتن رايحات السوق خذوا لكم صحن "سامبل :D " ........... يم يم!
بالنسبه للمكياج... انا كتبت عن فاتن في منتدى العروض التجاريه... صراحه الكل كان
يسأل... وانا من النوع اللي دايما اتندم اتمكيج عند اي حد حتى يمكن مرتين رجعت البيت
ومسحت الماكياج.... بس عندها الصراحه يعني تقدرين تثقين فيها ثقه عمياء...
بالنسبه للصالونات ................ بريمافيرا......... بنات روعه-اخلاق-وشغل عدل..وعلى فكره من عندهم اشتري منتجات
ماركة كريستاس اللي فعلا حسيت فيها نتايج في شعري "خف التساقط بشكل كبير"
وماركة ESTHEDERM للبشره... خذت منتجين تبييض وواحد عشان يوقف مصنع الدهن اللي على ويهي... قصدي T-ZONE ارتحت عليهن وايد..
سويت عندهم صبغه وصبغاتهم روعه بدون اعتقد "الامونيا" إذا مب غلطانه اللي اتطيح الشعر......... وسويت عندهم تنظيف بشره...
ممممممممممممممممممممم بالنسبه للحلاوه والخيط اسويه عند وحده هنديه اسمها ثريا... شغلها حلو......... بس لا تسلمونها حواجبكم إلا بعد ما تهددينها لأنج لو خليتيها بتخليهن خيوط...................
بالنسبه للدخون....... اتعامل مع المبرقعه "ام عبدالله" وانا كنت كاتبه عنها في منتدى العروض......
صح ان اغراضها غاليه........... بس كله من الزين اللي ما تتندمين عليه..
وممكن تسوي بوكسات هدايا وانا حاطه صور لهن..........
بالنسبه لقمصان النوم "الشوفتيشي او الشخلعي" وحده مواطنه اسمها "ام عمر"
ممكن تيي لين البيت ... احمممم بس ضيعت الرقم فاللي تلقاه تلحقنا به... :D
اما قمصان النوم اللندني... عند وحده مصريه اسمها "ام يوسف" حلوات للبيت..
بالنسبه لأكل البيت ممكن وحده اسمها "ام احمد" من هل القطاره تسويه اكلها نظيف وما عليه كلام
إذا تذكرت شي ثاني ان شاء الله بقولكم...............!!
ღ♥ღ ¨°*ღ｡ (ملف بنـــات العين)*ღ｡ °" هღ♥ღ
متابعة النقاش، صفحة 82