تراني حدي مقهوره كتبت الموضوع لكم بالتفصيل الممل وانمسح واضطريت اكتبه مره ثانيه بشكل مختصر شوي واذا فيه شي مب واضح اسئلوني لاني بصراحه تعبت بكتابة الموضوع الاول وربي جالسه اصارخ بروحي من القهر لما انمسح
في البدايه بوضح عدة نقاط مهمه عشان نكون حبايب
****
_حطي في بالك اللي يناسب غيرك يمكن مايناسبك واللي يناسب غيرك بااسبوعين يمكن يبين وياك بشهرين
_اذا مافادك الموضوع رجاء لا تدعين وتحسبين علي لان الشعور والبشرات مو مثل بعض
_كنت مصوره كل شي بجوالي على اساس بنزله لكن مب راضيه تطلع الصور وجبت لكم الصور من النت
_مثل ماتعرفون ياحلوات البحث بالمنتدى متعطل هالفتره يعني اذا مارديت عليكم اعرفوا انموضوعي طار وضيعته
_حاولت احط صور شخصيه مصورتها بجوالي لكن مب راضيه تطلع بحثت لكم بالنت وجبت الصور عشان يمكن فيه بنات يلخبطون
_ماكنت بنزل الموضوع هالفتره لان حدي مشغوله وخبركم الاجازه ماباقي عليها شي وبسافر ان شاء الله وخفت انشغل ومااقدر ادش بااستمرار لكن استفسارات البنات بالخاص هي اللي خلتني انزلها بهالوقت وغير هذا فيه بنات يقلون عندنا مناسبات فحبيت انكم تبدون بااسرع وقت
يلا نبداء ياعسولات بس الله الله بالدعاوي ويارب مايطير الموضوع مثل من ساع وبحاول اختصر
في البدايه شعر ي كان حلو لحد مااستخدمت خلطه من عند جارتنا الله يسامحها ماودي ادعي عليها لان يمكن كانت تبي لي الخير لكن ماناسبتني المهم هالخلطه طرحت شعري وطرحت حالتي النفسيه وياها والله شعري صار مثل شعور العيال ماخليت لاخلطات بالصيدليه ولا العطار ولا النت ولا المستوصفات الاحطيتها ولافاد صحصيح بعضها يتحسن لكن الى حد معين لدرجة خلاص اقتنعت كنت بس ابيه يغطي رقبتي تخيلوا يطول لثلاث ارباع الرقبه ويوقف يعني مايوصل للكتف وفيه خلطه شريتها من وحده فادتني بصراحه عشان مااكون جاحده وقريبتي استمرت عليها وشعرها لاحول ولاقوة الا بالله فرق عن اول ولاتسئلوني عن مكوناتها لاني مااعرفش لكن بصراحه انا تركتها والحين ماشيه على خلطتي يعني مو شرط ياينات تقيدون بحاجه معينه ترى اللي يفيد اشياء واجد وان شاء الله اذا مشيتوا على طريقتي مابتحتاجون تشترونها وحده قالت صلحيها وانا ببيعها ولي نسبه بصراحه للحين افكر بس انتم بعلمكم الحين وماودي الاتكثرون الدعاء لي
في البدايه حطيت ((زيت عافيه _ثوم_فلفل_حلبه))تعرفون هالخلطه وطريقة استخدامها اللي تخلينها عشر ايام المهم هالخلطه رووووعه حتى طلعت منابت شعري لكن عيبها ريحتها استخدمتها بس مرتين ورميتها لان الحلبه مب راضه تروحمن شعري حطيت فاشكول مخمريه بخور كل شي ولانفع المهم طلقت هالخلطه بالثلاث
الخطوه الاولى
وصلحت خلطتي اللي ماشيه عليها الحين وابيكم تمشون عليها
زيت احلام
دابر
كيشور
تراشوب
هذي الزيوت وخلصنها منها
انزين نجي الحين ياقمورات لطريقه
الاسبوعين الاولى:نستخدمها يوميا
الاسبوعين الثانيه:نستخدمها يوم ايه ويوم لا
الشهر الثاني:نستخدمها 3 ايام يالاسبوع
الشهر الثالث:مرتين بالاسبوع
الشهر الرابع بالاسبوع مره
والحين خلي هالزيوت استخدام اسبوعي
الخطوه الثانيه
الكثيره
عصارة الصبار لكن الخام ياعسولات وياحبذا يكون مايخلى منها لانك راح تعرفون فوائدهااكثر واكثر بخلطاتي
زبادي ياحبذا يكون منتهي الصلاحيه
ملعقتين مايونيز
بيضه
اخلطي هالاشياء كلها مع بعض واذا احيان ماعندك ملعقه وشكه حطي زبده عشان تلين الشعر لان الزيوت تنشف الشعر لكن هذي الخلطه تطري الشعره المهم هالاشياء كلها اخلطيها مع بعض وخطيها على شعرك
واستخدميها بالشهر الاول 3 مرات بالاسبوع لمدة ساعتين
بالشهر الثاني مرتين بالاسبوع لمدة ساعتين
بعدين مره بالاسبوع وخلي على شعرك من 3 الى اربع ساعات
وعشان ماتتعبين حاولي تخلين ايامها مع الزيت يعني قبل ماتغسلين الزيت من شعرك حطي هالخلطه واغسليها مره وحده
واللي بتسئلني عن مقدار الكميه ياعسولات كل وحده وطول شعرها يعني انتي شوفي شعرك وشوفي كم المقدار اللي بيكفيك
يتبع
