شاركي في النقاش

سجلي الدخول لإضافة تعليق.

التعليقات

148
  1. @baby_sitter

    ما أشوف فيه عدل
    الأول تزوج يبي الراحة طيب الحرمه هم بعد تبي الراحة
    ويوم خذا الثالثه خذاها صغيره عشان يربيها على اللي يبيه
    صراحة تخلف

    وما تمشي الحياة بين اثنين وخاصة إذا واحد منهم جاير "الرجل غالباً"
    إلا لأن المرأه لا ترى احداً سواه
    فلا يوجد أحد قبله ولا يريدها أحد بعده!
    فتحط كل حيلها بهالعلاقة وغصب عنها تجيب راسه أو توهم نفسها انها جابت راسه
    لأن الرجل عندنا يختار من يبي والبنت المسكينه ترضى بأياً كان

    أجل من هي العاقله اللي تاخذ واحد عنده درزن عيال وبنات وهي توها عندها 18 سنه!
    وما خذاها إلا يبي يقهر الثانية اني جبت من تسواك وأصغر منك بعد!

    كل القصص تصب في مجرى واحد لا تغلطين لأن بغلطه وحده بدالك ألف!
    ولا تكبرين ولا تغترين بعمرك فزوجك عزيزتي سيكسر لكِ خشمك ويحكمك
    فاجلسي ذليله منكسة الرأس وتحت قدميه هذا ما يستفاد من قصصك!

    ودي نتعلم ان الحياة مشاركة أخذ وعطاء من كلى الجانبين
    مو المرأه تعطي بدون مقابل
    وانفاق الرجل وغيره من أمور مفروضه عليه لا تعني شيء من العطاء لأنها واجبه
    ويؤثم لو قصر فيها

    الله يهدي الجميع

  2. @khal_syf

    صاحبة الموضوع
    بنت عادية
    الله يجزاك خير ويجعل ما كتبتيه في موازين حسناتك
    لكم مني كل الحب والتقدير...
    وجزاااكم الله اعالي الجنان...

    baby sitter....


    كتبت موضوع طويل وفصلت فيه واكثرت الكلام....
    وطلبت عدم مناقشه تفاصيل القصص...

    لسبب ان توصل

    الفكره الاساسيه للموضوع....


    ورغم ذلك....؟؟؟؟

    غاليتي....

    تعودت في كل موضوع اناقش نوع من الرجال....
    او قضيه معينه فقط...
    (وحده)....لاني لا استطيع ان اجمع

    كل القضايا في موضوع واحد....ولا اعمم علي كل النساء

    واتكلم عن اغلاط النساء لان منتدانا منتدي


    نسائي...

    والرجال مادروا عني لو اكتب عن اغلاطهم للسنه الجايه

    محد جاب خبري ولا احد يقرأ لي منهم اصلا....
    واسمحيلي موصحيح ان القصص تطلب ان الوحده لا تغلط غلطه واحده....
    كلهم كانوا عايشين حياة طبيعيه


    بكل مشاكلها وانا كتبت

    هذا الكلام فالموضوع....

    بس يبدوا انك قراتي علي عجاله...واستفزك الموضوع
    فكان التعقيب منك علي هذا النحو....
    فيه نوع من الرجال عنده امور مايغفرها وقد تكون عاديه
    عند غيره....وهذا النوع موجود شئنا ام ابينا....
    المطلوب ان الزوجه بما انها الجانب الاضعف
    ما توصل لخط زوجها الاحمر...
    عشان ماتنهان كرامتها او يهدم بيتها او تنطر للتوسل
    واكبر دليل بعد ما نزلت موضوعي...
    فيه اخت تقول بعد ثمان سنين زواج سويت شي خلاني
    اسقط من نظر زوجي...وهي الحين حزينه وتحاول
    ترجع صورتها الاولي وتطلب العون من العضوات....
    في مواضيعي اكدد لك انك ماراح تلقين صفصفت كلام المنتديات اللي فالنهايه يبقي كلام...
    انا اتكلم من صميم الواقع...
    والواقع يقول ان المرأه هي الجانب الاضعف وهذي حقيقه....



    (الا في حالات شاذه)...

    يكفي ان الرسول...صلي الله عليه وسلم

    وصفنا بالقوارير وذلك لسرعة كسرنا وشرخنا وتهشمنا
    اكيد انك تقرين مشاكل العضوات....وفي جميع المنتديات
    النسائيه المصريه والسوريه واللبنانيه وفي كل العالم
    المرأه تسال عن الطرق اللي تقدر منها تعيش حياة
    مستقره سعيده...
    فالمقابل ولا منتدي رجالي يهتم لمثل هذي الامور
    الصراحة والوضوع مع النفس هي الطريق الاقصر
    لحل مشاكلنا....
    موضوعي مايقول كوني عبده جاريه ذليله لاترفعي راسك
    فقط...لمن زوجها من نوع خاص من الرجال كوني حذره....

    علي العموم...
    الاختلاف فالري لا يفسد للود قضيه....

تابعي تجارب أخرى من هذا القسم.