السلام عليكم ورحمه الله
بنات انا احب الجمعات وجلساات الحريم الفله والسوالف
وعندي جاره نظامها غرريب تسهر بالليل وماتنام الا اذا رحو عيالها للمدارس
وانا مو دائما اسهر ولو سهرت احاول استغل سهري اما بصلاة التهجد او اذا روقت حطيت زيت بشعري او خلطه بجسمي او ادخل منتدى المهم اني احب اخذ راحتي اذا صار اهل بيتي نايمين
لاكن الي ينكد علي انها تتصل علي بوقت متاخر (( 12 ــ1 )) بالليل مثلا و بالاسبوع 3 مرات تقريبا وتقول بسير عليك اليوم وتجي هي وبنتها بنتها صغيره يمكن 6 سنوات وتقعد الام عندي من 1 بالليل لين 6 وربع صباحا
اتعب من الجلسه ينكسر ظهري بس مرتكزه مهما كانت تمون بالنهايه هي جاره ومااقدر اخذ راحتي واتسدح احس عيب وماتعودت على كذا وطول الوقت وانا احاول اسولف واجيب سوالف توسع صدرها واجاااامل لين اتعب
واصلح الشاي والقهوه وحالي ومالح مع ان ظروف زوجي تعبانه الا اني انكد عليه واترجاه يشتري لي مقادير حلى او يشتري جاهز وانوم عيالي واقعد استناها
بتقولون صرفيها وشلون اصرفها يابنات استحي احد يقول بجي لبيتك واصرفه ماحب اسلوب الطررد
والمشكله الاكبر اذا جاملت وسهرت يالله يمديني اقوم عيالي وزوجي وياكثر ماراحو للمدارس متاخرين ويهاوشني زوجي بسببها واذا قمت بكره من النوم اكون طول اليوم عصبيه لاني طول الليل ماشاء الله مرتكزه واجامل
تعبت والله وبنتها طول الليل تقعد تقطع بالموكيت تعرفون موديل الي يسمونه موكيت على( شكل مكرونه ) تقعد طول الليل تجمع وتقطع فيه وامها تطالع وتحاول تلهيني عشان مااشوف
انا والله احب جارتي بس عيبها ماتعرف متى مواعيد الزياره
ومره قلت لها وش رايك تغيرين نظام نومك وتنامين بالليل ونقوم بدري الصبح اذا راحو العيال للمدارس نفطر سوى او نشرب شاي الضحى وكل وحده لخلصت تروح تسوي غداها بس رفضت قالت ((مافي امل اغير نظام نومي احب السهر وش يقومني الصبح اكون مرتزه )) طيب انا وش ذنبي
ابي رايكم بنات ..
الموضوع مغلق