عندي حل لمشكله ؟؟ بس لا تضحكون علي..
*
*
*
*
اقري وفي النهايه بتلقين حلي
مرتز ينتظركم..
يا الله يابنات والله ان المنتديات تخوف....
انت تتعاملين مع عالم مجهول...
الاعضاء مو زي بعض...
في الحبيبه وفي الشرسه...
في الهاديه وفي العصبيه...
في اللي تسامح وتعفو وفي اللي صعب عليها هذا الشي..
تتعاملي مع الذكيه واللي تفهم قصدك...
وبرضو مع العجله اللي ماتفكر...وممكن تفهمك غلط..
نفسيات مختلفه...وبيئات وظروف متفاوته...
اللي تربة على الحب والحنان والعطف والاخوه.....
والبعض محرومه....
في اللي تخاف الله وتتقيه بكل كلمه وحرف كتبته..
واكيد العكس موجود ...
انت داريه اننا ممكن نجرح وحنا مادرينا...
ممكن بأسلوبنا وتهجمنا على اللي يخالفنا الرأي،،،
او اللي يغلط علينا....ممكن نخلي احدى العضوات تطلع من هذا المنتدى
المحافظ بدون رجعه...ونجعلها تتخبط بين المواقع وممكن تسلم وممكن لا.
ياليت نتعامل بهدوء ... بلاش عصبيه واستعجال برد
بيكون شاهد لنا او علينا يوم القيامه ...
اذا كنت عصبيه وماتتحملين احد يغلط عليك...
اقول لك الله يعينك لان الشي هذا مو بيدك..
بس ياليت تدربي نفسك على طولة البال والهدوء..
وعندي رأي بس زي ماوعدتوني بالعنوان ؛؛؛ لاتنسوون...
يمكن يكون حل للي يعانون من العصبيه ويكون لي براءة اختراع...
اسمعي ياقمر اذا زعلتي من وحده ..اكيد بتردين عليها ..
وبتكتبين كل اللي بخاطرك..
اذا خلصتي انسخيه ولا ترسليه ..روحي سويلك شاهي او اي شغله
مدتها ربع ساعه .....
بعدين ارجعي اكيد بتكوني هدأتي لانك كتبتي كل شي...
هنا راجعي نفسك وياليت تمسحي الرد الجارح ..
وانا متأكده لو رجعتي تردي مره ثانيه بيكون بعقل وهدوء..
وانت الكسبانه بتعودين نفسك على الرقي بالاخلاق والتعالي على التفاهات
واللي وظيفتهم جرح الغير واستفزازهم ...
وبتكوني انسانه محبوبه الكل يحب يدخل مواضيعك ويتابع ردودك...
واكيد الكل بيدعي لك وقت ماتكوني بأشد الحاجه للدعوات...
وبيكون لك صديقات حبيبات تشعرين معهم بصدق الاخوه والمحبه...
وصداقتهم بتكون غيرعن ذوات القلب القاسي ..والقول الجارح ...
وفي نقطه مهمه بأختم فيها موضوعي واريحكم
ياليت ما نتعود ندعي على غيرنا...مهما غلط علينا...
الدعاء شي مو سهل ولا تنسي انه في ملك يقول ولك مثلها..
ولننتبه من ابليس اللعين اللي بيقول انت مظلومه ادعي وما عليك..
فأكيد كلنا نبي ربي يعفو عنا ويسامحنا ويغفر لنا...
عشان كذا ياليت نعود ونجبر النفس على التسامح ...
يمكن بالبدايه صعب علينا بس نجاهد ..
فالدنيا زائله ونبي اعمال تنجينا عند الحساب ..
يقول الحبيب صلى الله عليه وسلم لمعاذ :
" ثكلتك أمك يا معاذ وهل يكب الناس على وجوههم أو على مناخرهم في النار إلا حصائد ألسنتهم"
رواه الترمذي.
اتمنى لي ولكم
الهدوووء وطولة البااااال..
والبعد عن
:mad: :angry2: :024:
والتحلي بــ
:27: :biggrinlo
ترى بعض الردود تخليني
:confused: :blink: :icon32:
اخيرا لا تنسون ان معنا عضوات
:baby2:
فراعوا الاعماااااااااااااااااار
والله معنا 13 سنه و9 سنوات...
فما تسوى تخسرون كثير وتعصبون من بزران
او عقول لم تنضج بعد..
<<<آخر سطربالموضوع متعوب عليه ..
