ادخلو خذو مابخاطري

مرحبا
ينات تحملوني شوي لاني مالي بعد الله ثم انتم ابوح لكم عما في خاطري
انا كل ما سمعت سيرت زواج او خطبه او ما الى ذالك احس اني اتضايق واحس اني مخنوقه غصبا علي يابنات لا تلوموني انا عمري 31 غير متزوجه انا راضيه بلقدر وادعي واستغفر وانا واثقه بربي ولا تقولون لي اشغلي وقتك انا مشغلته ومرتاحه والحمد لله بس هذا الموضوع مقلقني
تخيلو عندي خاله اخت امي كل سواليفها عن الزواج دايم على لسانها اذا زارتنا فلانه بتتزوج وعلانه انخطبت الفلان يدورون لولدهم وش رايكم بفلانه ويا كثر الي بيتزوجون بلعطله وفلانه خطابها واجد وغيرها من ها الموال يعني خالتي هذي ما تتكلم في مواضيع اخرى حتى لو غيرتي السالفه حتى لو اتصلت بعد السلام دريتو فلانه انخطبت وعلانه بتزوج والله يا بنات اني طفشت منها او كرهتها
اذكر مره كنا نتعشى وانا منفتحه نفسي ومبسوطه وفجئه قالت لمي ماشاء الله سمعنا ان بنت فلان بتتزوج انا جاني شعور غريب احس اني انخطف لوني وانسدت نفسي وبردت اطرافي والله مو حسد بس اتمنى اني انخطب زي ها الناس
والله اني ادعي لهم ان الله يوفقهم واجلس استغفر عما بدر مني واهدا وترتاح نفسيتي
ومن ثم تزورنا خالتي المصون او تكلم وتجيب لنا من ها الاخبار ومن ثم ترجع لي الحاله واستغفر وادعي لهم ثم تبد اخالتي بنشرت اخبارها وهكذا والله اني تعبت
امي كانت كذا بس اخف من خالتي وصارحتها قلت يمه ترى ما يحتاج ان كل ما شفتوني بس تقولون لي زي ها الاخبار يعني وش علي من الناس الله يوفقهم ويسعدهم امي قدرت نفسيتي الله يخليها لي وصراحه تغيرت معي

22 تعليق 1,756 مشاهدة

شاركي في النقاش

سجلي الدخول لإضافة تعليق.

التعليقات

22
  1. @khfook_alrooh

    اليوم زي امس وبكرا زي اللي بعدو كلها أيام

    بتروح وتجي وتحصل فيها اشياء كثيره بس

    نصيبك ماجاك بيجيك بس شوية صبر اعرف وحده عمرها في الاربعين وماشاء الله انخطبت ربنا يرزقك بالزوج الصالح
  2. @zhor_alhzn

    أدري حاسة فيك مايحتاج بس صدقيني طنشي الناس وفكري بنفسك أنتي الحمدالله مرتاحة غيرك مارتاح ياما ناس تزوجوا وعظوا أصابع الندم وياكثرهم و تذكري الله

    أرحم بك من أمك ولو علمتي ياأختي ماذا مانع عندك ربك لذاب قلبك من محبتة
  3. @shaaaamkhh

    الله يرزقك بالزوج الصالح اللي يسعدك ويهنيك عليك بكثرة الاستغفار وماتدرين عن الخيره وين
    وبعدين اذا جت خالتك لا تطلعين لها في كل مره تجي عشان ترتاحين منها واتمنى اكون افدتك

تابعي تجارب أخرى من هذا القسم.