الدكتور السموأل الحاكم في الحبيب

كم تكلفتها؟ العمليه شامله الأدويه

هلا ملاااذ

كلمتهم استفسر قالولي


من 11 الف الى 13 الف شامله الأدويه


الله يعين وتتيسر ياااارب

والله ياقلبي هو الدكتور شاطر انا عملت عندو حقن مجهري يقول ادق واحسن من الاطفال انابيب بس المشكلة مني زوجي سليم انا عندي انسداد بالانابيب بس فشلت العملية ادعيلي الله يسهلي بس احس انو يطلب حقن كتير من المريضات عشان المبلغ اغلي في السعر والله اعلم ويعوضني خير ويرزقني واعيدها مرة تناية بالتوفيق

الله يعطيك العافيه شموسه بس لاحظت ان كل الي ذكروا تجاربهن فشلت عملياتهن وهذا ما يبشر بخير

الدكتور السمؤل الحاكم .. أنا جربته شخصيا .. لاحظت عليه رحابة صدره .. وخبرته الواضحة وهو من الدكاترة القلة الي ماعندهم استغلال مادي

يعني ماتتخيلين كيف .. احس انه ما يطلب منك إلا الشيء الي يحتاجه ... و الحقن المجهري كلفني عندهم 13 ألف ريال شاملة العلاجات .. هذا لحد ما حللت الحمل .. وبعدها لو تابعتي حملك عندهم بيكون برنامج آخر يكلف 2300 ريال .. أو ممكن تتابعي بمكان آخر ..



والدكتور يريحك مرة نفسيا .. يعني مو من النوع الي يشيلك هم .. بالعكس يبسط الأمور جدا قدامك ... وهذا شيء مهم في مثل هذة الحالات ..


و المستشفى في بريدة مافي دكتور غيره يسوي أنابيب وحقن مجهري ... و مافي دكتورات انابيب ..

لكن وقت الاشاعات لقياس حجم البويضات ما يكشف عليك بالسونار بنفسه .. لكن تسوي لك الاشاعة دكتورة الاشعة .. وهو يشوف نتيجة الاشاعة ..


يعني ما راح يكشف على جسمك إلا وقت عملية السحب الي يغطووونك فيها زين زين .. حتى سيقانك مغطية بغطاء خاص بها ... و انا كنت رافعة الغطاء عشان اغطي وجهي ...

و وقت عملية الترجيع نفس الشي .. يعني ما يكون مكشوف إلا منطقة صغيرة من جسمك ..

أنا جربت التخصصي في بريدة قبلهم .. وفرق في كل شي .. صحيح التخصصي ماكلفني ولا ريال .. لكن زحمة جدا و تتعبين من الانتظار ..

وكل اشاعة الدكاترة الرجال يكشفون ويسوون سونار مهبلي ..

و وقت العملية ستروني وغطوا جسمي مستشفى الحبيب اكثر من التخصصي ...



نصيحة لوجه الله .. لوعندك مقدرة مادية ... استخيري و سويها عند الحبيب و توكلي على الله عز وجل فقط .. هم كلهم اسباب والأمر بيد الله عز وجل .. وعليك بالدعاء والرقية والصدقة ..


وفقك ربي لكل خير حبيبتي ..