شاركي في النقاش

سجلي الدخول لإضافة تعليق.

التعليقات

179

  4. @rkb_alaghrab

    ..سلام يغشاكم من سابع سما ..



    ..أنا مرّه كنت أشرح لهم قصّه عن أصحاب الفيل ..
    فـ أقول لهم منو هو الحاكم الظالم يا أطفال ..
    وبجنبي كرتونة شيبس يومها .. أنا متعوده يوميا اجيب لهم حلاو ..وشيبسات وألعاب..
    الشاهد .. كل ما قلت منو هو الحاكم الظالم يا أطفال ..
    قالوا شيبس ههههههههاه .. وكل ما فهتمهم مااااش .. الا مصرين على شيبس ..
    والمشكله يومها عندي توجيه حضر لي ههههههاه ..







    موقف ثاني .. طبعا تعوّدت كل يوم انواع الأحضان .. أنواع البوسات ..
    وفيه واحد .. قبيلي ابدوي عندي يجنن ..
    لامن أقلبت عليهم الصباح قبل الطابور .. يقول لي كذا ..
    ارحبي .. ارحبي .. يالله حيها .. ثم يضمني بقوه ..
    وعاد يبدى مواله أبلا .. البارحه رحنا العزبه .. أبلا ذبحنا خروفن سال دمّه ..
    أبلا شبينا الضو ..وكل يوم يعيد ويزيد بـ هالسالفه ..



    وموقف ثاني لـ هالولد القبيلي نفسه .. حنا نظامنا غير عنكم ف المملكه..
    كل كلاس فيه معلمتين وحده عربيه والثانيه أمريكيه ..
    طبعا أنا أدرس كيجي ون .. السنه هذي .. الشاهد ف يوم من الأيام كان عليهم أمتحان كومبيوتر ..
    في كلاس ثاني .. فـ كنت أنا الي امتحنهم .. كل شوي أجي لكلاسي وأخذ لي 3 طلاب ..
    وأروح أمتحنهم .. وأعود ..
    والاجنبيه ماسكه الباقين محلي .. طبع







    ا هم يميلون لي انا بشكل كبير جدا ..
    للحين ما تقبلوها مثلي .. حتى هي ملاحظه ..
    الشاهد .. لما عوّدت وانا امشي وقبل ادخل .. مع الجدار الزجاجي شفت الولد الي قلت لكم عنهّ
    ..جالس جنب الزباله وأنتن بكرامه ..طبعا انا استغربت .. ليش ..؟!
    شوي أفتح الباب .. يجي يربع الولد صوبي ويضمني بقوه ويبكي ..
    وقوله عبود علامك ..؟! تخيلوا وش يقول ..؟!
    يأشر ع الامريكيه ويقول يا نعنابيها .. الكلبه .. الحماره .. البقره .. الكافره ..هههههههههههاه ...
    هذا وهو بكيجي ون لا وعاده أصغر طفل بـ الصف بس يهبل .. وممتاز بعد ..
    قلت عبود ما يصير عيب .. قال لاااااااااااااااااااا يصير .. الكلبه عاقبتني عند الزباله ..
    عاد هي منصدمه وخايفه بنفس الوقت لما شافت الولد منفعل وانا ميته ضحك ..
    فـ تقول لي وش يقول هي مش فاهمه لانه يحكي عربي ..
    قلت لها أبد .. ما يقول شئ زعلان بس عشان عاقبتيه عند الزباله ..








    هو فهم اني ما قلت لها الصدق .. قال اقووووووووووووووووووووووول يووووووووور آآآر بق دووووق ههههههههههههههههههههاه..
    عاد هنا تعالي دوريني معاد تليقيني من الضحك ..
    هي عصبت .. من حكاه ..واطلعت من الصف ..
    عاد لما رجعت المياه لمجاريها .. قلت لها سوي نفسي لا تعاقبين عند الزباله شنو هذا ..؟ّ ما يصير ..
    لاني أعاقبهم بأني أحرم الواحد من النشاط داخل الصف أو غرفة الألعاب ..



    عندي مواقف كثيره حيل لي باااكات ..




    ..ركب الاغراب..

تابعي تجارب أخرى من هذا القسم.