ولدي والدلع

السلام عليكم ياأحلى عالم حوا:26:
بصراحه عندي مشكله مضيقه صدري وهي
زوجي مدلع ولدي مره مايرفض له طلب كل يوم يشتري له ألعاب البيت صار مليان من الالعاب وعمر ولدي سنتين ونص لاتقولوا عادي أنا ماأبي ولدي يتعود كل شي يبيه نسويه أبغاه يكون وسط وبعض الاوقات أقول لزوجي لا تشتري العاب ومايشتري له بسسسس
ولدي صييييحه وحده :icon33:وخاصه لوكنت بالسوق يفشلني بصياحه قدام الناس مع انه نكون شارين له لعبه بس يبي وحده ثانيه وثالثه
تكفووون دلوني وش أسوي اليوم رحت السوق وتهاوشت أنا وزوجي بسببه ورجعنا للبيت:mad:

8 تعليق 1,244 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_abod_1

    أختي أول شي لازم تقنعي زوجك أن الدلع الزايد بيخرب الولد وتذكري له مساوء هذا الأمر على المدى الطويل
    بس بشرط يكون هذا الكلام وهو رايق علشان يسمعك زين وأنتو في البيت طبعا مو في السوق
    وبعد كذا تحلي مشكلة ولدك ...بقولك بعض الأمور اللي نفعت مع أولادي
    1-قبل ماتطلعون مشوار قعدي مع ولدك وفهميه بنروح المكان الفلاني وبنسوي كذا وبنشتري كذا أوكي
    2-صير ولد شاطر علشان نجيبك مرة ثانية
    3-بندخل محل ألعاب وتختار لعبة وحدة فقط أتفقنا حبيبي
    4-أذا صرت شاطر وسمعت كلامنا بسوي لك شي تحبه
    5-اذا أصر على عناده عاقبيه بحرمانه من شي يحبه بس العقاب يكون في البيت مو قدام الناس بس بشرط تذكرينه بسبب العقاب
    ويكون مباشرة بعد عودتك البيت
    6-اذا في طلعه سمع الكلام أثني عليه وكافئيه بحاجة بسيطة

تابعي تجارب أخرى من هذا القسم.