بس ابي منكم دعوه بظهر الغيب؟؟

اختكم متزوجه من اكثر من ثلاث سنوات::حياتي كانت حللللوه وجبت اول ولد وصارت احلى واللي كان اساس حلوتها حب زوجي القوي و احترامه اللا متناهي لأهلي فكنت لو يصير شى بينناما انساه من بالي الاحترام اللي يكاد يندر مثيله
المهم بعد سبع شهور من الولد الاول حملت بالثاني؟؟؟ وهنا انقلبت نفسيتي وصار فيه بيني وبينه شوي توتر لكن لازالت علاقته باهلي ممتازه
مالكم بالتفاصيل اللي كلها مشاكل بيني وبينه خمسين بالميه انا وخمسين له الى ان جا اليوم اللي ماانساه
أااااااااه منه من يوم صار بيننا زعل وكبر وكبر وكبر وقالي هيا لاهلك و رفضت عناد فيه وجبرني ونزلت وانا مطوله لساني شوي وقال انا راح اربيك واتصل على ابوي وقاله شوف بنتك منكده عيشتي انا مادري انه اتصل ركبت السياره قدام قاللي انزلي ورا ونزلت بس طبقت الباب فقعت راسه منالصوت قام نزل وجاني ورا ومد يده علي
نزلت وطلعت لأبوه وماقدرت اتكلم من البكى والتعب لأني كنت وقتها بالتاسع وبرضو كان ابوه عند زوجته الثانيه لأن زوجي يتيم ونزلت بيتي مادريت الا امي وابوي داخلين وهو معهم رحت مع امي غرفة النوم وهو
مع ابوي بغرفة التلفزيون وشوي وجا عمي قلت كملت قلت لامي اني مضروبه ونادت ابوي وعلمته قال يللا البيت لمي اغراضك انتي وولدك جيت ماني قادره احط راسي لاني انضربت عليه وقهرانه المهم انا ماعلمت امي وابوي بالتفاصيل مداراه لحياتي وبيت لايخرب لكن علمت اخواتي لانهم شافوني ابكي بهستريا وبس غفيت الاعلمو اهلي لنهم ماقدرو يسكتون
ويقوم اوي يتصل على عمي ويقله ترى البنت اهانت بالحيل ولا يرد كرامتها الا ورقة طلاقها هنا صعقت وتعبت وزعلت من اخواتي وصرت احاول اتمسك بقشة عشان ارجع بيتي لكن اهلي كانو مايبون الاطلاقي وهو حس باللي سواه وسار يرسل ويدق وعرف اللي سواه
ابوي عند وزعل وسار معاد يشوف غير مساوؤه
دق عمي يراضي ابوي مافي فايده وجا هوه وبنته الكبيره واعطاني مبلغ كبير
وبوي ماخلى على قلبه من زوجي زعل عمي من ولده وقاله انته ماتستاهل بنت الناس
حس هو اني بروح من يده قام جاب اخوه الكبير لابوي وسمعهم اشكل من اللي لابوهم
وخلصو على كم شرط وعشا
قعدت في المعمعهةاكثر من اسبوع وجا يوم العشا وابوي واخوي قلوبهم بتموت من القهر منه
مربط الفرس انه لازالو اهلي شيلين فيقلوبهم وهو منسى كلام ابوي فيه ومنصدم منه وقهراااان مره
ميايحب اجيب طاري اهلي ولايحب اجيب شى منعندهم ولو صار بيننا شى يشك انه احد محرضني عليه
واهلي يقولون هو وشفيه معاد يجي شفتي انه قلبه حقود
وقاعده بين نارين
هنا اهلي وسبب وجودي بالدنيا بعد الله
ومنجهه زوجي وابو عيالي واحبه ويحبني
نفسيتي سائت وكل مااقول بتزين تتفاقم ماادري ياوجيه الخير وش السواه

5 تعليق 714 مشاهدة

شاركي في النقاش

سجلي الدخول لإضافة تعليق.

التعليقات

4
  1. @hyrny_zmany22

    ياقلبي الله يعينك بس مع الايام يتعدل الوضع ترا صدقيني صارت
    مع ناس كثير بس المشكله توها صايره تلاقين القلوب مشحونه مع الايام
    تزين العلاقه وترجع احسن من اول بس لا تقولي عن زوجك اي شي مو حلو قدام
    اهلك خاصه هالايام هذي حاولي تزينين العلاقه اذا رحتي لزوجك قولي له اهلي يسالو عنك
    مشتاقين لك وانت انقلي سلامه لاهلك قولي لهم فلان يسلم عليك مثلا لو ما قالك بس انت صلحي العلاقه
    والله يوفقك
  2. @dmyr_alod

    الله يعينك ،ويصبرك بس حاولي تبينين لاهلك انك مبسوطه معه عشان يرجعون يجبونه وفهمي زوجك قولي لو جاتك بنتك تشتكي ومضروبه وش رده فعلك اكيد انها بتكون اردا من فعله اهلي وحاولي تقولين لوه ان اهلي يحبونك ودايم يمدحونك وكذا عشان يرجع زي اول والله يصبرك
  3. @gozfyna

    استهدي بالله ياختي اكيد يالغاليه بيجي ﻓﯾـَِّـﮱ قلوب اهلك عليه ﻻنهم مايرضون عليك وبيجي ﻓﯾـ
    قلب زوجك ﻻنك تكلمتي عليه عندهم بـِـَسُ صدقيني بعدين بينسون كلهم وانتي امدحي زوجك عند اهلك وانه يحبهمم ويعزهم حتى لو حطك عندهم ومانزل ﻻتضغطين عليه واعتذري لاهلك وهو قولي له اهلي يحبونك ويعزونك ودايم يسألون عنك مشتاقين لك وان شاء الله تتصفى النفوس وادعي ربك الدعاء ﻻتنسينه ان الله يحنن قلوبهم على بعض ويرجعون زي اول واحسن وهذا درس لك انه مره ثانيه اذا زعلتي مع زوجك ياقلبي ﻻتطلعين من بيتك وﻻ تعلمين اهلك اتمنى لك التوفيق
  4. صاحبة الموضوع
    مشكورة يالحبايب وربي كلامكم بلسم على قلبي :::
    والله اقول لكل الطرفين بس مافي فايدة تعبت هو والله تغير كثير وراضاني واشترى رضاي واهلي شايفين
    للي محيرني هم مو يبون سعادتي والا لا؟؟؟ مايدرون اهم باالسلوب الجافي ينكدون علي ... الله يهونها وبس

تابعي تجارب أخرى من هذا القسم.