كان الله فعونك واي وحدة مكانك بتنقهر واخو زوجك الله يهديه قلبه مافيه غيره ياختى حاولي انتي انك تغيريها وتنصحيها بالاسلوب الحسن يمكن تكون هدايتها على يدك وكمان كلمي عمتك ام زوجك تكلمها وتكلم زوجها
اشكر كل اللي ردوا علي واحب اوضح للي مافهموا انا اتغطى انا ومرت اخوه الوسطي لكن اللي ما تتغطى مرت اخوه الكبير وهي تصير بنت اخت خالتي ام زوجي يعني بنت خاله زوجي ام زوجي وابوه مو راضين لكن مابيدهم حيله على كلام زوجي انهم حاولوا وخلاص سووا اللي عليهم حتى زوجي مو راضي لكنه مابيده حيله وقد قال لاخوه يغطي زوجته لكنه قال حتى بنتي اذا كبيرت ما نيب مغطيها على عيال عمها ؟؟ امي تقولي لا تتكلمين بالموضوع مع زوجك ولا معها لانك بتسيئين لنفسك ويفكرون انك غايره منها وتنقصين من قيمتك وتلفتين نظر زوجك لها يمكن هو مو شايلها من ارضها بس انتي تنبهينه لها ويبدا يلاحظ
بعدين الموضوع هذا صار عادي لانها متزوجه من 3 سنين وتعودوا عليها ونسوا الموضوع الحلال والحرام تخيلوا يوم زواجي المصوره طلبت صوره جماعيه عائليه انا وزوجي واهله تفاجات انها جنبي تبي تتصور معانا ؟؟ كرهت صوره الزواج وبعد فتره من زواجنا انا وزوجي نتفرج على الصور قلت له انا كرهت الصوره لانها معنا معليه هي ما تحل لك ليه تتصور معنا ؟؟ قال الشكوى لله هذا اللي صار .. الغريب ان زوجي واهله محافظين مره وهالشي غريب على عاداتهم لكنه صاير خالتي ام زوجي طيبه وعلى كلام زوجي رافضه لكن ولدها الله يهديه يقول ان زوجته بغربه وبعيده عن اهلها وساكنه مع حموله بيها تكون مرتاحه تطلع وتدخل براحتها ولايبي يحجر عليها ويقول اخواني عيال خالتها صح عيال خالتها بس حرااام هي جزائريه ام زوجي بعد طيبين وماشفت منهم الا كل خير بس الوضع مضايقني اوقات اقلب على زوجي بعد ما نطلع من اهله بدون سبب لمجرد انها كانت جالسه متزينه وتسولف او اتخيل انه ابتسم بوجهها او انه كان يشوف ملابسها او او او صرت بس الاحظ عيونه وين تروح مع انه مسكين ماقد شفت منه شي بس اقعد متوتره طول الوقت
مدري وش الحل غير اني ادعي ان الله يفرجها صعب اكلم ام زوجي لانها بنت اختها وبالاساس هي مو راضيه ولا زوجي لانه مو راضي وانتهى الموضوع ناقشته كم مره خلاص ولا اكلمها لانها سمعت كلام زوجها هو يبيها تكشف وش اسوي مابيدي حل الا اروح لهم واسكت واجري عند الله
شي يقهر لو منك ذكريه ان اللي يسويه يوم يتكلم وياكل معاها انه مسؤل من الله وذكريه بحديث الحمو الموت وانتي المفروض ماهتطلعين لهم نهائي لابشرشف ولا غيره ما يشوفوكي الا بالعبايه لين تستحي وزجك يحس على نفس
حلالها وحرامها عليها وكلنا عارفين حكم الحمو لكن انتي غيرتك بزيادة وهي زوجة اخوه وعنده بالبيت قبل يتزوجك ولو جاذبته بشي كان ما تزوج ولو تكلمتي على زوجك يمكن راح يدقق فيها ويشوف وش اللي قاهرك منها خليه مثل ماهو لأن الرجال يفهمون غيرة الحريم