والله من الهم اللى فينى مادرى وش اكتب عنون

:(هلا بكم انا سبق وكتبت عن ولدى اللى عمره حول التسع سنوات بثالث ابتدائى راحت عليه سنه باول ابتدائى
مشكلتى معه التاتاه والتردد بالكلام وعدم الانطلاق بالكلام ومابيه يعيد السنه والمدرس مرسل له ورقه انه عدم التردد والانطلاق فى القران والله يابنات انى اقرا له ويردد وراى وهو فيه غصه يبى يبكى بس يقول لى ماما انا فاشل واذا قرا القران معى بس يفحفح ويتحكك بجسمه واحيانا يبكى والله نفسي اعرف وش علته وارتاح واسعى ورا علاجه هو هالحين ياخذ مواعيد عن المدرسه حقت النطق مره كل اسبوع والمستشفى يقول ذكى وكل شي سليم وانا والله احيانا يسوى حاجات اقول الحمد لله ولدى مافيه شي واحيانا الله يخليه لى اقول هاذا فى عقله شي بس المستشفى يقول عنده ورم بالراس على اعصاب العين ماله دخل بالنطق تكفون الله يسعدكم بالدنيا والاخره تساعدونى فيه حالات مثل ولدى ووين اوديه طب شعبي والا احد يقرا عليه اللى تعرفون قولوه الله يفرج همومهكم ويسترها معكم بالدنيا والاخره

35 تعليق 3,020 مشاهدة

شاركي في النقاش

سجلي الدخول لإضافة تعليق.

التعليقات

34
  1. @alshykh_nor


    الله يشفيه ويعافيه لاتكبرين الموضوع وتحسسين الولد ان فيه مشكله ماتنحل

    حاولي انك تشربينه زمزم كل يوم الصبح على نية الشفاء

    وادعميه نفسيا وزودي ثقته بنفسه وقولي له انها ازمه وتعدي ويصير من

    احسن الناس واطلبي من المدرس انه يشجعه ويصبرعليه بدال مايتشكى منه

    الله يطلق لسانه ويحميه من كل شر
  2. @lmys_olgyn

    لا تحسسينه إن فيه مشكلة وعامليه كأنه طبيعي

    وإذا عرضتيه على طبيب نفسي ممكن يساعدك بإذن الله
  3. شوفي يا عمري اول شئ اذا كان المعلم غير متعاون لازم لازم تنقلينه عنه وان قدرتي انقليه اهلية ....

    بعدين اقري عليه وخليه يقرأ قران كثير تراه سبحان الله القران يطلق اللسان ولاتقلقين يا حياتي ترى انا شخصيا عيال اختي يدخلون المدرسة ووالله ما تفهمين وش يقولون ومع الايام ينطلق لسانهم والان هم ماشاء الله دكاترة ومهندسين...

    الله يخليه لك واهم شئ اهم شئ نفسيته لاتحسسينه بالنقص ولاتتعاملين معه بتعاطف خليك طبيعيه معه زي اي طفل...


    الله يفرح قلبك فيه وعقبال ما تشوفينه خطيب مفوه يارب..

تابعي تجارب أخرى من هذا القسم.