قررت افتح مشغل في الرياض .. ممكن مساعده ..؟؟؟

السلام عليكم ورحمة الله وبركاته

بعد تفكير في راس المال اللي عندي قررت اني افتح مشغل نسائي في الرياض ( كوافيره - خياطه - كوفي شوب )

اتمنى من اللي عندها خبرة او افكار تساعدني وتنصحني

اسوي ايش وابعد عن ايش .. واي افكار جديده

والموقع وين بيكون افضل .؟؟

ياليت تساعدوني

اختكم

21 تعليق 1,771 مشاهدة

شاركي في النقاش

سجلي الدخول لإضافة تعليق.

التعليقات

20
  1. والله أختي ماأنصحك بالمشغل
    المشاغل في الرياض كثر النمل والمنافسة بين المشاغل قووووووية
    والغالبية يروحون للمشاغل الكبيرة والصغيرة نادرا ماتلاقين احد يجيها
  2. صاحبة الموضوع
    الله يعطيكم الف عافيه

    اخت شيهانه طيب وش تنصحيني فيه ..؟؟

    اخت جورية تتوقعين وين ممكن تكون افضل المواقع بالرياض ..؟؟
  3. @beautiful_girls

    والله انا مثلك كنت ابي افتح مشغل
    بس لقيته وجع راس وتعب
    لا من ايجار ولا عاملات ولا زبونات
    يبي لك متابعه يوميه والا ماراح تستفيدين من المشغل شي
    يبي لك موقع ممتاز ومعروف لان المشاغل الصغيره الناس ماعاد صارت تتجه لها وتخاف منها
    يعني يبي لك موقع على شارع عام واضح خاصه انه جديد او تشترين مشغل له سمعه
    واكيد كل الاثنين بيكلفونك اكثر من مما تتوقعين
    غير العاملات ووجع الراس سكنهم وغيره ومتابعتهم المغربيات ماتقدرين عليه والفلبينات نفس الشي
    صعب تجيبين لك وحده وتخلينها تمشي مثل ماتبين الا اذا كانت شخصيتك صارمه ولك تجارب وخبره في التعامل معهم
    ياكثر مشاكل المشاغل حاولي تفكرين بشي غيره لانه متعب على غير سنع يعني ماوراه ذاك الربح الكبير لاتنسين فيه شهور كثيره في السنه يكون ركوووووووووود ويمكن يمر اسبوع ماجت زبونه وحده

تابعي تجارب أخرى من هذا القسم.