الله لايبلاني قلت كلمه وياليتني ماقلتها


بسم الله الرحمن الرحيم

كيفكم بنات


امس كنا نتناقش انا وزوجي عن اسماء الاطفال
انا الحين حامله بتوأم بس مو عارفه جنسهم المهم زوجي قرر اذا ولدين واحد بيسمي على ابوه قلت اوكي عادي والثاني بيسمي على عمه انا هنا عصبت وقلت وانا ماسمي اجل
قلت انا الي اكلت منشطات وسويت عمليه الانابيب حملت وتعبت وماتعبت زيي في الاخير انت بتسمي
قال هذا عمي متوفي وابي احيي ذكراه ( عمه متوفى وهو صغير مره يعني زوجي ماقد شافه )
قلت وياليتني ماقلته قلت فاضين له نحيي ذكراه والله مدري كيف طلعت من لساني
بعدين عدلته وقلت احياء ذكراه مو بالاسم لكن عصب علي بغى يكفخني
لكن انا بعد معصبه قلت ابسمي على ابوي قال ابشوف انا ابقول لابوي وابسال امي
اوف رفع ظغطي قلت وانا برا العايله يعني مالي راي
المشكله احنا الي نتعب وهو حضرته يبي يفكر مع ابوه وامه

المهم قلت ياسخفك توهم مابان الجنس وقاعد تتهاوش من الحين حتى قال لو بنت انا ابختارها والثاني ابخلي ابوي يختار
( كلام اسم اسماء البنات من زمان مقررها )

المهم ضايق صدري ياليتني ماقلت فاضين لعمك يعني متوفي واقول كذا
وللحين مصره انه مايسمي على عمه
المهم وش رايكم اكلم زوجي واعتذري ولا اسكت خلاص


ولكم احلى
:26:

77 تعليق 9,314 مشاهدة

شاركي في النقاش

سجلي الدخول لإضافة تعليق.

التعليقات

76
  1. @almhrrh_1

    اول شي ماشوف انك غلطتي وانتي اللي حملتي لازم تسمين او تتفقون ومن له حيله فليحتال حاولي باسلوبك وطريقتك الخاصه بدون مشاكل لانه حقك تسمين مدري منين جايبين هالسالفه لازم يسمي على ابوه ولا امه ترى موب اجباري بس مجتمع يجيب الهم
  2. @byn_ahbaby

    اعتذري له والاسم بتسمين الي نفسك فيه بس باللين والتفاهم

    شكل زوجك مثل زوجي ما يمشي بالعناد ابد
  3. @nor_alshrktop

    ياعسل اعتذري منه وبوسي راسه

    وقوليله ماكان قصدي وانت تعرف الحمل وتاثيرة عالنفسيه

    خذيها نصيحه الرجال يجو بالمسايسه مو بالعناد

    والله يسخره لك

    دعواتك
  4. @halmh_bsmt

    اعتذري وبرري موقفك انها زلة لسان عشان مايعند ويسمي
    واتصالحوا وروقوا واتفقوا على اسماء ترضي جميع الأطراف المذكوره اعلاه
    ونصيحه لاتتهاوشي معه وتخليه يعند لأنه هو الي يقدر يروح الأحوال ويبلغ ويسمي وانتي بتكوني امام الأمرالواقع
    حاولي تكسبيه لصالحك ولاتتحديه
    وربي يسهل عليك الحمل والولاده ويرزقك الذريه الصالحه

تابعي تجارب أخرى من هذا القسم.