السلام عليكم ورحمة الله اخواتي في الله بنات عالم حواء مغتربات استراليا كيفكم ؟
ترا انا متابعتكم من قبل مايختبر زوجي القبول للدورة والحمد لله ترشح لدورة لغة سنة في جامعة جنوب استراليا في((( مدينة اديليد )))
وهو راح تبدا دورته تقريبا بعد شهر من الان في 11/6 /1432هـ
وانا وعيالي(3 كتاكيت والرابع بالطريق) بنجلس بالرياض فترة الين يتمكن من اللغة والين اولد هنا بالرياض على بداية رمضان ان شاء الله
(طولت عليكم )
الان زوجي متردد يطلع لنا فيزة 3 شهور بالصيف سياحة نروح نتمشى شوي ونرجع للسعودية
والا يخلينا هنا4شهور و يرجع ياخدنا بعد رمضان ونبقى معه لنهاية الدورة 6 شهور تقريبا ؟؟؟؟؟؟؟؟؟؟؟؟؟؟؟
(صراحة ودي اطول هناك عشان استفيد لغة انا وعيالي مو بس سياحة)
طبعا هذا كله يتوقف على مستوى المعيشة بادليد لانه مبتعث من جهة عسكرية وراح يعطونا تذاكر لكن ماراح يعطونا مصروف الا له هو فقط 2000 دولار بس زيادة على راتبه الي هنا
ابغى منكم ربي يسعدكم ويوفقكم تساعدوني وتوضحون لي مايلي :
1- اسعار الشقق المتوسطة المستوى بالشهر بالريال السعودي.
2- اسعار المدارس (الترم الاول لانا بنرجع للسعودية بشهر 1 السنة الجاية )يعني نص السنة بيرجعون بدرسونها عيالي هنا ان شاء الله (بنتي راح تكون ثالث ابتدائي ) وولدي( اولى ابتدائي ) وصغيرونة ودي احطها بالحضانة لاني ابغى ادرس بمعهد لغة لو عالاقل 4 شهور (طبعا النونو القادم ماحسبته لكن لو بدرس بحطه برضه بالحضانة.
3- لو جيت قبل رمضان وولد هناك كيف اسعار المستشفيات وعنايتهم وافضل مستشفى بادليد - ملاحضة - راح يكون عندنا تأمين طبي .
4 - الي اعرفه ان مافيه رحلات مباشرة من الرياض لاستراليا فكيف بيكون خط الرحلة ؟
ادري اني طولت عليكم بس والله مالي الا الله ثم انتوا بليييييز انتظر ردكم على احر من الجمر علشان نضبط امورنا من بدري قبل لا يسافر زوجي .
♥OoO♥ ملتقى المغتربات في استراليا 25 فحللتم اهلاً ووطئتم سهلاً♥OoO♥
متابعة النقاش، صفحة 41