- غيري لون الجدار .. ويفضل تحطين لون فاتح لان الأثاث عندك أبيض .. يعني .. سماوي فاااتح .. تفاحي .. وردي .. شوفي صور الأخت أم نورة
الفرش .. مره ما يمشي مع الأثاث .. لو تقدرين تشيلينه وتحطين بداله فرش سادة بلون فاتح .. يعني سكري .. بيج فاااتح ..
جيبي رفوف .. رفين ممكن .. وحطيه على جدار فاضي .. فوق السرير مثلا .. لانه فاضي وشكله كذا ناقص شيء ..
أو لوحات صغيرة تحطينها فوق بعض .. أو أي حركة شوفيها تعجبك من الصور اللي حطتها أم نورة والبنات .. في حركات كثير .. وعلى فكرة تراها بسيطه وغير مكلفه وانتي ممكن تسوينها ..
المفرش ممكن تجيبين مفرش عاجبك بألوان مشرقة .. وتطقمين عليه خداديات بألوان تناسب معه .. خصوصا أنتي لون الأثاث عندك أبيض ولو صبغتي وردي مثلا أو تفاحي ألوان كثيييير تمشي معه ..
وطبعا غيري الستارة .. بستارة طويلة ألوانها تناسب الوان المفرش والبويه ..
لو ما تقدرين تغيرين البويه ,,
غيري الستارة .. جيبي ستارة لونها فرايحي .. وطوووويله .. مثل هذه يعني ..

غيري المفرش بمفرش ثاني الوانه فرايحيه ... وجيبي معاه خداديات ملووونه .. شوفي الخداديات اللي بالصورة مو طقم مع المفرش بس مطقمينها بألوان تناسب المفرش ..
جيبي أبجورات وحطيها على الطاولات جنب السرير
وأم نورة ما قصرت أعطت أفكار حلووووة للمكتبة
جيبي رفين وحطيها فوق السرير وعليه إكسسوارات .. أو لوحات حلوووة حطيها فوق السرير ..
أو مثل ما قالت لكم أم نورة حركة الستارة .. و الأرفف تحطينها في الجدار الفاضي الثاني إذا كان فيه جدار فاضي .. أو تحطين فيه استكرات .. تلقينها عند المكتبات ومحلات ابو ريالين .. أحنا اشترينا منها لغرفة أخواتي بثلاث رياااال ورووووعه شكلها ..
حاولي تكون الإضاءة في غرفتك صفراء .. لانها تحلي الغرفة وتغير كثير في المنظر العام للغرفة ..
شوفي الصورة اللي حطيتها لك شوفي الألوان اللي تمشي مع الأثاث الأبيض ..
طولت عليك .. بس عآآد إذا سويتي غرفتك إن شاء الله .. نزليها وورينا .. :42:
* لو ما قدرتي تغيرين البوية .. و أستعنت بنصائح البنات .. صدقيني غرفتك بتسير رووووعه
لان اللون الابيض مو عائق أبدا .. كل شيء يمشي معه ..
موفقة إن شاء الله :26:
