مساء الفل والريحان ...
بدبد تعبانه من الورده الحمرا على قولتكم على اي
اساس مسمينها ماادري سلامة الورد منها . بصراحه هي
تتعبني جسديا ونفسيا ..الحمدلله على كل حال .
رووووح تعوذي من الشيطان الرجيم الله يلعنه يبغى ينكد
عليكي ان شاء الله تروحوا وترجعوا بالسلامه .
ام ملوكي الحمدلله على سلامتكم ربنا قدر ولطف الله
يقويكي وترتيبك واكلك يفتح النفس ماشاء الله تبارك الله .
ام ريما ماشاء الله تبارك الله عارفه ايش احلى من شغلك
والصور.. روحك الحلوه والايجابيه ربنا لايغير عليكي ويزيدك
من فضله ..وبسالك كيف تعلمتي الخياطه عندي ماكينه
زنيت على زوجي اشتريها وفي الاخير قاعده زي قلتها
على اساس وحده تجي تعلمني وحصلت لها ظروف
زهوده الله يقويكي لما بقرا مشاركتك بحس بالعجله كاني
معاكي... ونظافه وترتيب واضحين.
ام شهد هما كذا الرجال يحبوا يستفزوا حتى لو مافي في
راسهم موال بس على مين واثق الخطى يمشي ملك .
هنادي الحمدلله على سلامة زوجك وبنتك وماشاء الله
تبارك الله الست الشاميه معروفه بتدبير امور بيتها .
احساس ماشاء الله تبارك الله ربنا يخليلك اولادك .واكيد
القهوه ماراح تنبلع كيف مويه حاره وبن طريق غريبه .
برياني ماشاء الله تبارك الله ربنا يحفظلك اولادك ويزقك برهم .
بنت سعوديه الله يعطيكي العافيه وربنا يرزقك الزوج الصالح .
الزوجه الحنون قصدك سندريلا صح انا ماعملت شي
تعالي ياسندريلا ايش عملتي للحنون
جموره وينك لك وحشه .
يومياتي .
لاني كنت تعبانه زوجي واولادي كانوا بيسرحوا ويمرحوا
في المطبخ وصحيت وهوفي حاله الله لايبليكم ..
غسلت الصحون بفيري + كلوركس.
وعبيت علبة البخاخ بفيري وكلوركس ومطهر داك
مسحت بيها الرخام
مسحت الثلاجه من جو ه وبرا .
والفريزر من برا .
والبوتجاز +المغسله .
وعبيت علبه ثانيه بفيري + مطهر + ملمع الزجاج
ومسحت الدواليب من برا + البوتجاز .
غسلت الارضيه بالعملاق + كلوركس وشطفتهم بمطهر داك .
نفظت جدران الصاله + المروحه ومسحتهم .
ومسحت مكتبة التلفزيون .
وغسلت وجه المكيف وعطرته .
وغسلت الحمامات الله يكرمكم .
وبكره ان شاء الله امسح كنب الصاله لاني تعبت .
كل البنات الله يقويكم ويعطيكم العافيه
*_* همم (17) رائدة بإرادة واعدة في ضيافة بدوية متحنية *_*
متابعة النقاش، صفحة 119
