ذكرتوني موقف حصل لي :كنت مسافرة مع زوجي وأمه لمكه (واختكم دلخه في الدلولا)يعني لو تروح للمكان كل يوم تضيع.المهم رجع هو للشقة وقال تعالي مع امي إذا خلصتي عمرتك.
يوم طلعنا من الحرم قالت لي:أنا أبروح أكلم بنتي.(يعني تبغاني أفهما وأرجع للشقة)وطلعت هي على درج يرقي للشارع العام.أختكم ما فهمت شي تحسبهاطالعة للكباين وبتنزل بعد شوي!!!
راح 5دقايق......10.......15........20......وأنا أقول أكيد زحمة عند الكبينة...
20 دقيقة......30.......أكيد تكلم عيالها وأبوهم!!!!40......50......أنا خلاص بديت أفهم انها راحت للشقه!!!!!يالهوي طيب وين الشقة؟؟؟؟ولا كان فيه جوالات ولا غيره!!!!!!
المهم طلعت مع نفس المكان اللي طلعت معاه إلا ألاقي دنيا ثانية ...شوارع ومباني !!!!!!!
وأقعد أمشي وأنا أصيح وفي النهاية تذكرت اسم الحي اللي فيه الشقة ولقيت رجال مع حرمته
ومسكت الحرمة وقلت تكفين وين الشبيكة؟؟؟؟سالت زوجها ووصفوا لي ويوم دخلت وأبدأ أتذكر شوي شوي لما وصلت......
وادق الجرس وتفتح لي خالتي وهي تدعي علي وتقول هبلتي ولدي من الخوف عليك.. ويوم سمعها جاء يركض وعيونه واصله الغما .شوي ويطقني.. بس يوم شافني أصيح وأشاهق سحبني لغرفة ثانية وسألني وعلمته السالفة وأنا بموت من الصياح,,,,,,,,,,,الله لا يعيدها.
موقف طريف مع ابو الشباب
متابعة النقاش، صفحة 27