غلطتي في بناء او تأثيث بيتك غلطة وتحسفتي وماودك احد يطيح فيها.. هنا نستفيد من نصيحتك.

-

رفع للفايده

وش رايكم في المخطط تكفون ردو بسرعه

اب

اختي درة العشاق
انا تقريبا الارض اللي عندي 300 مثل ارضكم .. وبالعكس اشوفها مره ممتازه عشان لو سافرت الخادمه اضف البيت لحالي ومايصير البيت كبير على غير سنع ومع التخطيط الحلو بيطلع بيتك انيق وملموم ..
تقريبا انا مثلك جالسه اخطط الارض بنفسي بس طلعت بافكار حلوه ..
نبدا من بداية البيت حطيت مدخلين مدخل على مجلس الرجال ومدخل بوابه فيه على جنب باب صغير للنساء عشان استفيد من المساحه وحطيت مكان للسياره..
مجلس الرجال خليته بالطول عشان يكفي لمساحة السياره وتقريبا 5في 6 وتلاقين على اليمين دورة مياه 2في2 ماحبيت اكبرها لان استخدامها مو كثير واسرع في التنظيف وقدامها مغسله وبين دورة المياة والمغسله ساحه كبيره تقريبا مترين ونص الا 3 امتار يطلع على باب المقلط وباب المقلط يطل على الصاله ..
الصاله حطيت في اخرها مطبخ يفتح بابه على الحوش وله باب يدخلك المخزن والمخزن خليت حجمه مثل المطبخ وخليت فيه درج خدمه يرقي فوق لغرفة غسيل كبيره بقسمها قسمين قسم مبلط للغسالات وقسم للكوي وفيه ايضا درج يطلعك على الدور الثالث لغرفة الخادمه مع حمامها وغرفة الخادمه خليت فيها شباك كبير مره مره يطل على السطح عشن تدخل الشمس غرفتها وتطهرها واشرح لها لاني خليتها صغيره على قدها..
المطبخ مفتوح على الصاله بخلي فيه هوايات وكمان وقت القلي بفتح باب الحوش فيتخف الريحه اشرح لاني الان ساكنه بشقه مطبخها مكتوم وفيه هوايات وشباك كبير وافتح واسكر الباب والريحه داخله داخله البيت يعني كذا والا كذا مافيه فكه فخل افتحه على الصاله مو كله تقريبا نصفه ويطل على مكان جلوسنا والتلفزيون وبينهم مسحه بخلي فيها طاولة الطعام ..
مجلس النساء بحطه في زاوية الصاله برفع الزاويه بنصه صغيره ارتفاع بسيط وابلطه بلاط فخم واحط كنب راقي تقريبا 3 كنبات وطاولات واغطيها لاجاو ضيوف يجلسون فيها ..
والدرج كنسلت الدائري لاني جربته ببيت اخوي ومزعج جدا ويدوخ ومو عملي للاطفال وياخذ ماسحه بخلي درج عادي وعريض يتفرع لليمين ولليسار ..اشرح وافضل
انا ضيوفي يادوب بالسنه مرتين او اربع مرات فليش اكثر غرف على الفاضي .. وكمان لو جاوني ضيوف زوج وعيالي يروحون فوق مع درج الخدمه يعني لقيت لهم تصريفه ..
فوق اكبر شي غرفتي وحمامي لاني ابي اتوسع بصممها بطريقه مودرن وبحط فيها غفة ملابس ودورة المياه بكبرها ..
مع غرفتين كل غرفه بحمامها واحد لبنتيني والثانيه للولدين ان شاء الله .. طبعا مع غرفة الغسيل لاني انا بنفسي راح اغسل الملابس بالاتوماتيك ما اثق في الشغالات دايم يعفسون الالوان علي وهي تنشرها وتكويها ..طبعا افكر احط بلكونه بغرفة الغسيل عشان لو حبينا ننشر في الشمس بس الغيتها وبشتري نشاف حر لان جونا مايساعد بصراحه كله غبار وعفسه ..
وافكر كبر الشبابيك بالصاله واخليها مقفله ماتفتح ويسكرونها لي ضد الغبار والماء والاصوات يعني بس تدخل الشمس مثل الفنادق كبر الجدار واحط ستاير عليها والشبابيك مستطيله صغار في كل جدا وحده تقفل مثل الباب اسمها المدولبه لانها افضل في صد الغبار ابي بيتي لاجلست فيه يشرح الصدر مليت من الخنقه ..
في افكار براسي كثيره بس اتمنى تستفيدين منها ..
طبعا بنحط سترال بالبيت عشان انادي الشغاله من فوق وانا خليت الكوي بالدور الاول عشان اقول لها لاتجلسين بغرفتك الا وقت النوم فقط والباقي بالمخزن او الكوي مابي يبح صوتي وانا اناديها ..
طولت عليك والله يتمم لي ولك على خير