مرحبا يا صبايا عذرا منكم صرلي فترة طويلة غايبة عنكم لانه للاسف والد زوجي توفى الله يدخلو فسيح جناته يارب اتمنى تقرأوله الفاتحة
ولهاد الشي اضطريت انزل على الشام وابقى هنيك 25 يوم تقريبا
ولو تعرفوا شو صار معي هنيك وصل ضغطي لل 10 الواطي و17 عالي تصوروا وبلشت اخود 3 حبوب ضغط وبعد فترة بلشت شوفوا عم يوصل لل 5 الواطي و10 عالي وقفت الحبوب لحالي وبعدها صرت شوفوا الواطي 9 والعالي 14 او ينزل لل 11 ونص العالي والواطي 6 هاد ممتاز بس للاسف مو ثابت فصرت اخود حبة وحدة والحمد لله تمام لهلق
بس ممكن يوصل الواطي 6 والعالي 10 ونص الحمد لله على كل شي
اليوم لما رح المستوصف وصفتلي طبيبتي بالرياض ماغنيزيوم وفيتامينا وحديد بتعرفو بالرابع لازم نبلش بالحديد
وصحيح الدكتورة اللي بالشام وصفتلي مع حبوب الضغط حبة اسبرين
المهم بلا طول سيرة انا ماصرلي يومين موصلة ولو تعرفوا اني حملت حقيبتين من السير الكهربائي لانو للاسف ماكان في هنود كفاية وكمان كتير احمل ابني عمرو سنتين ووزنو 13 كيلو ولما رجعت البيت بلشت ضبضب وتعزيل فاليوم خبرتني الطبيبة انو الجنين متوجه نحو عنق الحم تصوروا بسبب المجهود وقالتلي راحة تامة والا اذا ضغط وحمل اشياء تقيلة وتعب بتطق مي الراس وخلص بيروح الحمل
الله يسترها معي يارب ادعولي الله يجزيكون الخير
اليوم كمان طلبت مني تحليل بول مشان البروتين تشوفوا اذا عالي او لا وقالت اني روح لعندها بعد 3 ايام مشان اذا الضغط مستقر ببقى على حبة واذا لا باخود اتنين بلشت اتعب ياجماعة
بالنسبة للوزن لقتو نفس الشي من الشهر الاول 96 كغ بس طبعا بطني صارت مبينة والبناطلين داقو عليي وصار لازم اتواب حمل
سلامي لكم صديقاتي جميعا والله يتمم حمل كل وحدة مننا على خير يارب العالمين
❤التجـ4ـمع لأحلى مـواليد اكتـ10ـوبر ♥ نوفـ11ـمبر ♥ديسـ12ـمبر❤
متابعة النقاش، صفحة 140