شاركي في النقاش

سجلي الدخول لإضافة تعليق.

التعليقات

2,007
  1. @byt_saayd

    دام الليلة شكله اثقيلة نكملها عشان نرتاح باجر الجمعة

    احم احم


    سويت تحلـــــــــــــــــــــيل اليوم العاشر !!!!!!!!:angry:



    لا يوجد حمل ولا حتى 2%


    اتصلت للدكتور عمر بوزينب قلت باروح له لانه هو اعطاني مثبتات زيادة منها دافستون وبيبي اسبرين وشي ثاني نسيته عموماًً

    مارضت السكرتيرة اكلمه شخصيا

    بس قالت لي دام انه مانزل عليج اي دم او شي استمري على المثبتات وعيدي التحليل السبت او تعالي العيادة نشوف الرحم فيه دم ولا لا!!



    فما ادري انا احس اعراض الدورة جايه .. بس من باب الحرص ماشيه على علاجي عاادي وخذت الادوية والتحاميل ..لين السبت باروح اسوي تلفزيون ماراح ابط عمري بالابر خلااااااااااااااااااااص كفاية ابـــــــر

    راح احمل تلفزيون عشان اشيك مرة وحدة على كل شي !!


    وبس



    فييني برووووووووووود غير طبيعي ماعرف وشو سببه !!
    يارب يكون ايمان ويقين من رب العالمين ... وربي يسمح على قلبي

  2. @am_asm

    مساء او صباح الخير
    القطوة ميمي حلو الواحد يعطيج الامل اختي استمري على المثبتات والمثبت الله و كثري من الاستغفار والحي بالدعاء و سورة البقرة واذا اراد الله بتكملين حملج الدكاترة وسيلة فقط والرزاق هوة الله
    بيت سعيد ليش تستعيلييين بالتحليل اتريي لين ١٤ وان شاء الله خير
  3. @am_asm

    المنتظرات النتيجة واللي يتعالجون لا تنسووون سورة البقرة والله فيها خير فضيل لو كل يوم جزء ان شاء الله تتيسر اموركم كثرة الاستغفار والله يوفق الجميع ان شاء الله
  4. @am_asm

    باقولكم حتوتة ...ادري الكل راقد بس بسولف بروحي
    الوحده منا لازم ترضى بكل ما يقسمة الله الها من خير لو كشف القدر لابن ادم وقيل اختار قدرك لك ما راح يختار لا اللي الله اختارة له ...لان هوة الخير اللي عند الله انا والله العظيم لين اليوم اشوف ميمي جدامي احمط ربي واشكرة على عطيتة واقول الحمد الله ربي رزقني واعطاني واطمع بكل الخير اللي عند الله ...طول سنوات عمري اللي مضت نسيتها ما كانها مرت بحيات وسؤال الناس ماحملتي و و و وخصوصا ابوة الله يرحمة ماجاب لا غيرة ويقولون لا تقطعين رزقه خليه يتزوج وانا ارد للله كريم قلت له شووف نصيبك يمكن من غيري بس رفض قال انسي ...قلت يالله يا بنت كملي جامعج وكملتها واشتغلت سنه مدرسة وطلعت قلت بعالج ..وسافرت شرقت وغربت وسويت انابيب تقريبا كل شهر وكمن جاهلة ماعرف شة هالعلاج اتبع كلام الدكاترة عمياني بدون ما اسال ولا ادور حتى يوم الترجيع ثاني يوم اروح الجامعه واموري طيبة والا كاني متعالجة مليت العلاج تركت كل الادوية سويت رجيم قاسي صار وزني ٦٠ ويالله ماخليت لبس مالبستة ونسيت سالفه العلاج وايتني ظروف قال ريلي بنبني الارض طلع القرض حسيت شي كبير جدامي وحزن كبير مصاحبني تميت اصلي طول الليل وادعي تقريبا يوميا يارب ما اسكن البيت وحيدة تميت افكر ليش نسوي بيت حق منو ومن معاي ماحد بيكسر مزهريتي ماحد بيخيس سجاداي ماحد بيسهرني. ما راح اشوف كتب مدرسية في البيت صابتني الثعلبة براسي من كثر الفكر اتجهت حق ربي قلت مالي لا انت مالي سواك يارب ارزقني من يرد الصووت عليه يارب لا تجعلني وحيدة تميت الح بالدعاء ..وداني ريلي صوب
    الارض تميت امشي وتيلفوني بيدي تميت اصور الارض بعدها بفترة ركبنا السور تميت امشي يم السور انا ادعي نحت على السور يااااارب وصورتها قلت بخاطري ان شاء الله ربي بيرزقني وبوريها بنت ولا ولدي اني حتى بالسور كتبت يارب وبخاطري دعاء الذرية .. احسنت الضن بالله فارزقني ...و بعدني اقول يارب يعطيني طولت العمر اربيها تربية صالحة وبعد ما ولد فيها بسنه طلع لي ورم بالفك نوع حميد بس اذا كبر حجمة ينمو بالعضم كلموني الدكاترة وكنت ابتسم قالو انتي مب منصدمة قلت لا ربي بلاني ربي بيشفيني وبدت رحلة العلاج رحت لندن صيف ٢٠٠٩ وسويت العملية مدتها اربع وعشرين ساعه. وكان املي بالله كبير اان الله بيقومني بالسلامة وبعد ست شهور رحت مراجعه ورديت سويت تجربة وماكتب الحمل يستمر .. ورديت مراجعتي وسويت عملية ثانية ورديت الامارات وسويت التجربة ..مانجحت والحمد الله املي بالله كبير. زي ما الله ماخلاني وحيدة ان شاء الله ميمي ماراح تكون وحيدة. وبس طولت عليكم بس حبيت اقولكم عن فصل من حياتي

تابعي تجارب أخرى من هذا القسم.