بطبوطات الثامن....تعالن نسولف شوي لحد ما يعدّي هالشهر

انا مع جميلة الروح في الكلام اللي قالته كلنا عندنا مشاكل وهموم والحامل تصير حساسه بزياده هونيها وتهون يا ملاك 12 وان شاء الله ربي ييرزقك ب بيبي زي القمر ويهون عليكي الولاده ومالنا الا الله نتوجه له بالدعاء لانه دايم معانا .

السلالالالالالالالالالالالالالالالالالالالالالالام على كل البطات المكرشات اللي الحين

كل وحده متضايقه من شكلها ............... شلونكم وشخباركم مع الثقل

أنا عن نفسي دخلت التاسع وبدأ الضغط في الأسفل واللآلآم في الليل تزيد أكثر

ما اخبي عليكم ودي أول بسرعه وما ودي لأني خايفه من الولاده

وبالنسبه لج يا ملاك حبيبتي هالفتره طبيعية للضيقه والنفسية تتعب لكن عليج

بذكر الله دايما وقولي بينك وبين نفسك ( يالله هانت خلاص ) علشان تهون

وانتي بين ربيعاتج بتنسين هالموضوع .. واتمنى الله يهون علي وعليكم

وينعم علينا بالعافيه والسلامه التاااااااااااااااااامه ... قولوا آآآآمين

هونيها وتهون يا ملاك..والحمدلله هانت كلها كم اسبوع وتفرحين بطفلك ان شاء الله...

يا حلوين متى ادخل التاسع في اي اسبوع ؟؟؟؟؟؟؟؟؟؟ <<<< مرة مستعجلة

بنات انا في الاسبوع الـ33 الا يوم ويجيني الام غير طبيعية من تحت مرة في اخر فقرة في الظهر والله اني اذا جلست ما اقدر اقوم عادي..هل هذا بسبب ضغط الجنين او بداية طلق؟؟؟؟؟

واحس البيبي يضغط علي من تحت كأنه يبي يطلع !!! عادي والا لا ؟؟

والوزن








زدت الى الان تقريبا 12 كيييييييييييييييييييييلو ما ادري وين بتروح بعدين !!!!!!!!!!

الله يهون علينا اجمعين.. انا بكرية

حبيباتي سامحوني كنت بحاله نفسيه لاأحسد عليها :(

انا من النوع الخواف بالاصح معي خوف مرضي أرتعش وأحس اني بموت في بعض الأوقات الصعبة وبالعمليات خاااااااصة إذا جاء وقت التخدير الكامل والكمام والأن الإحساس هذا بدأ معي خاصة إن الدكتورة فاجأتني بسالفة قفل الأنابيب من غير أمور كثيرة باقولها لكم بوقت ثاني لاني مشغولة الآن أرجوكم لاتزعلوا مني ودعواتكم لي ياغاليات اسأل الله أن يلطف بكل حامل ويقومها بالسلامه ويرزق كل من لم ترزق بذرية اللهم أمين

حبيبتي lady in black معاج حق كل حامل اعتقد يصير لها نفسي والحمدالله على كل حال و الله يسمع منج ان شالله.بصراحه وايد مشتاقه اشوف النونو...الله يفرحنا بشوفتهم ان شالله