رد على موضوع بعد ما انقذها قالت انت تحرشت فيها ولمستها

@khdyn_alroh

الموضوع قريته وانقهرت من الأم وتذكرت موقف صار لي من شهرين

كنت لحالي ما معي أحد
رحت كارفور وناسية جوالي بالبيت وحطني زوجي أشتري أغراض وراح عنده شغل بسيط على أنه يجي يتمشى معي بكارفور بعد ساعة:time:
المهم وانا أشتري وأدور الا أشوف هذيك البنية اللي عمرها 6 سنوات تبكي وتصيح ماما وينك خفت عليها وعرفت ان امها مضيعتها وكان كارفور زحمة نهاية الشهر قربت عندها وخميتها وقلت لها خلاص يا قلبي ماما الحين تجي خليك واقفة هنا وانا بوقف جنبك وماما بتدور عليك وبتجي لنفس المكان اللي مشت فيه بس حبيبتي بس .....البنت هدت شوي :27: وارتاحت وصارت بس تشهق وانا في بالي قلت اوقف معها لا أحد يجي ويسحبها معه الين تجي امها واذا ماجات اروح بها بيدي للرسيبشن ماراح اخليها
الا شوي وحده من وراي تدفني وتضم البنت وتصرخ عليها وين رحتي
وبعدين قلت للأم الحمدلله لقيتيها يا حرام كانت بتموت من الصياح شوي الا الام تلتفت علي وتقول لي شي ماتوقعت انها تقوله
قالت من قالك اني مضيعة بنتي انا بااشتري غرض وهي قدامي اشوفها
ابد هذا عذركم يوم بطلت خطتك لخطف بنتي قلتي اني مضيعتها وانها تصيح تدورني
حسبي الله ونعم الوكيل هذا بدال ماتشكرني اني قعدت عند بنتها وخفت عليها تتهمني اني ناوية أخطف البنت:icon33:
رديت عليها بكلمات بسيطة وقلت الله وحده أعلم وحسبي الله وكفى ورحت
أكمل أغراضي لين مر الوقت اللي مواعدة زوجي فيه لأني ناسية جوالي وتوقعت انه دخل ويدورني بين الممرات وصرت اوقف في الممرات وادور عليه شوي الا مدري من وين نطت علي الأم مع البنت
تدرون وش قالت لي
ايه ايه تدورين على أحد ثاني تخطفينه
وشرايكم :mad:!!!!!!!!!

138 تعليق 7,802 مشاهدة

0 0

شاركي في النقاش

سجلي الدخول لإضافة تعليق.

التعليقات

131

تابعي تجارب أخرى من هذا القسم.