السلام عليكم ورحمة الله وبركاته
ما عرفت أحط لموضوعي عنوان
لان الأمر أكبر من اني أفكر كيف أختار عنوانه
الكلام اللي بقوله طالع من القلب ويمكن ما يكون مرتب
لكنه أصبح هم حياتي
تدرون وش همي
همي أبنائي
نعم أبنائي كيف بيكون حالهم في زمان الفتن
إذا كان هذا زماني وأصبحنا في وضع حساس فكيف سيكون عليه زمانهم !!!!!!!
همي كيف أعدهم لوقتهم اللي بيعشون فيه ؟
دايما أفكر الوضع تغير ولازم نتغير
ما ادري وش الفتن اللي بتظهر عليهم بس أبيهم يكونون أقوياء في مواجهتها
أنا مانيب أم مثالية ولا ادعيها
أنا أفتح لهم التلفزون على MBC3 وعلى سبيستون علشان اشغلهم ولا يشغلوني.....
واشتري لهم الالعاب علشان ماتجي في خاطرهم ولا يحسون أنهم أقل من غيرهم .....
والبسهم احسن لبس علشان يطلعون كشخة بين الاطفال ....
وبعدين؟؟؟!!
طيب وبعدين ؟؟!!
كيف بيطلعون ان شاء الله إذا أكبروا ..
أخواتي هذا كله ماعاد صار همي
كل هذا الاشياء ماراح تنفعهم
أبي أعيد تربيتهم أبيهم يكونون شجعان
أبي يكون دينهم قوي وأساسه متين...
ابي أعلمهم على الكر والفر من نعومة أظافرهم ...
أبيهم يكونون رجال عودهم قوي ...
أبيهم دروع في وجه أعدائهم يصونون دينهم ووطنهم وأرضهم وعرضهم...
أبيهم تهابهم الناس ولايهابون الا من الله ...
ابي أعلمهم أن الرجال عيب يكون همه قصة شعر أولبس غريب أوسيارة فخمة....
أبي اعلمهم أن أكبر همهم الدفاع عن دينهم ووطنهم...
أدري أن الكلام سهل لكن مسؤوليتهم أكبر من أني أتحملها,,
والطريق صعب والمعوقات كثيرة
بس والله العظيم هذا صار أكبر همي كيف بربيهم ؟؟؟
يا ليت يا أخواتي ما تبخلون علي بنصائحكم الغالية
وأتمنى من كل قلبي كل أم وأب يشيلون هم أبنائهم ويعدونهم لزمانهم .....
ويتركون الأمور الثانية,,,
(((( لان هذا والله لأكبر هديه نعطيها أبنائنا ))))
ودمتم بود
شاركي في النقاش
سجلي الدخول لإضافة تعليق.
التعليقات
20- كلنا اصبحنا كذلك ونحن نعيش مانعيش .. من فتن ومؤامرات من اعداء الإسلام والدين ..ولانقول الا (( اللهم توفنا وااولادنا غير مفتونين ..وعلى احكام دينك وسنة نبيك قائمين ..))
- الله يرحم الحاااااال ويعيننا على تربيتهم ويعينهم على زمانهم
- جبتيها ع الجرح
- فعلا اغلب الامهات تفكيرهم سطحي حتى التعليم يقولون ليش المدارس متشددة ليش مايرفهون عيالنا اعرف امهات حتى المسجد تخاف على عيالها من الطريق اذا راحوا له مايخلونهم يروحون حلقات القرآن العصر تقول :مساكين يكفي مدارس الصباح مسكينة ماتدري انها تضرهم اكثر ماتنفعهم حتى مايصحونهم للصلاة تقول حرام ماناموا الا متأخر طبعا بعد روحة لمنتزه او بلاي ستيشن او طلعة مع اصدقائهم مع انه لو بيروحون لأي مشوار من مشاوير الدنيا كان قعدت عند راسه تصحيه وغير كذا كثييييير بس الله المستعان انا في زمن المتناقضات
اختي جزاك الله خير ويالله نبدأ نغير من حياة عيالنا ونسوي تجمع <<من اجل ابناءنا>> - اللهم آمين ا للهم آمين شاكرة مرورك يالغلا
اللهم آمين نورتي الصفحة
الله يعين شاكرة مرورك الكريم
مواضيع مشابهة
تابعي تجارب أخرى من هذا القسم.