شاركي في النقاش

سجلي الدخول لإضافة تعليق.

التعليقات

131

  4. الخزااااامى
    فكرتيني بموقف صار لي ..

    مرة كنت في المستشفى وقاعدة على كراسي الإنتظار وجنبي حرمة قاعدة تتكلم مع وحدة تانية جنبها ... وعندها بنت شكلها عمرها سنة وشوية يعني من اللي دوبهم يمشوا .. والبنوتة يختي عليها قاعدة تمسك في الكراسي وتمشي وبعدين جات عليا وتبغى تكمل ... قمت مسكت يدها عشان لا تروح بعيد خاصة واننا جنب الباب حق المستشفى ... يعني كرسيين بعدي وخلاص تطلع من المستشفى ..

    طبعا بعد حوالي دقيقة انتبهت الأم انه البنت مو معاها ... وشافتها ماسكاني إلا وتسحبها مني سحبة كأني حأخطفها ههههههه يعني لو حأخطفها حأقعد على الكرسي استنى ايش هههههههه

    المهم بعد ما سحبتها مني قالت لي .. يحسبوها الناس تاكل وهي ما تاكل ولا شي ... البنت كانت كلبوظة شوية ماشاء الله بس فهمت من كلامها انه لا تحسدي بنتي انها كلبوظة ... قلت لها اللهم صلي على النبي وحصني بنتك

    يعني مني عارفة موقف يضحك ولا يحزن ...

    ومني زعلانة اني مسكت البنت صراحة ... لو سبتها وقلت ما ليا صلاح كان صار لها شي وندمت طول عمري ... حأفضل اساعد الأطفال ما حييت ههههههههه والله يهدي الأهل ولا يحطنا في موقفهم ويحفظلنا عيالنا يارب

    لا تزعلي يا صاحبة الموضوع يا قمر .. فعلا الناس صار عندها هوس وفوبيا خطف الأطفال وأنا منهم بس أكيد ردة فعلي ما حتكون كده أبداً ... جزاكي الله خير وتلاقيه في عيالك ان شاء الله

تابعي تجارب أخرى من هذا القسم.