شاركي في النقاش

سجلي الدخول لإضافة تعليق.

التعليقات

2,007
  1. @am_asm

    مرحبا بنات :)
    ماشي حتوتة اليوم .. المهم شحالكم كلكم ..
    كوود يارب يثبت حمل ربيعتج وتفرح بالبيبي ان شاء الله و يفرحنا فييج ان شاء الله ..
    بيت سعيد الحياه كلها قصص و نتعلم دامنا عايشين والحمد الله على كل حال بس يارب لا تؤخذنا اذا نسينا ولا اخطاءنا ..
    ام ميمي وينج اليوم ؟؟ قلبي معاج و تاكدي كلنا نحسب بعض بعض و و ندعي لكل وحده بان الله يوفقها بظهر الغيب ..
    نفتقد الكثير هاليومين عسى الغياب خير ان شاء الله ..
  2. @alktoh_mymy

    ام اسمى

    قصتج ذكرتني بقصتي لما حملت بميمي .. كنت دايما رافضه ابني بيتي مابي اسكنه بروحي والله عطاني ميمي من غير علااااج

    هو القادر يعطي الثاني والثالث

    بس خلق الانسان عجووولا

    في بنااااات وايد بالمنتدى ما عندهم حتى واااحد

    الحمدلله انا وانتي عندنا ميمي وكوود عندها ونونا 3 عندها وغيرنا عندهم الله يرحم بحال امل ورجاااااااء ونانو
    في غيرنا بالمنتدى يتمنووون وااحد بس الله يرحم بحالهم ويعطيهم من غير حساب مثل ما عطانا
    المفروض ما كنت اياس ولا ازعل .. بهتم بنفسي شوي وبنسى موضوع الحمل لما نسيته الله رزقني بميمي وبعيش لبنتي ولزوجي لي ما يخلص بيتي اليديد

    الحين المواعيد وااايد صعبه ومليون بالميه ما راح ياخذوني لي السنه اليايه مابي اذل نفسي لهم
    اللي امثالنا من شهرناهم ولا قسم الانابيب من 3 سنين فاظي محد يفكر فيه
    ولا عااد كثرت التسقيطات لان مافي رعايه واهتمام عيل نتم طول عمرنا نعيش حاله توتر وذعر عشان الهرمون الانزل الا ارتفع
    الا يا بنكمل شهر يا شهرين يا منكمل الخمس شهور والا البيبي وقف نبضه

    كله بيد رب العالمين بس صار اطفال الانابيب فيه مشاكل كثيره ما يكلفون ع نفسهم يبحثون فيها واسباب التسقيطات اللي تصير
    الصراحه اانا فكرت ولقيت ان الاطفال الانابيب تعذيب نفسي ملزومين منه بس ما نقدر نعيشه
    انا عن نفسي اكذب عليكم اذا قتلكم بعيد مالي طاقه الصراحه مخي حاليا موقف قمت اخاف
    حتى لوانا حملت مرتين بس ما ارتفع الهرمون يعني انا لي الحين ما عرفت مشكلتي وما اعتقد بعرفها

    ابي فتره نقاهه اشكثر مادري بس محتاجه فتره

    دعواتكم يا بنات لي بالصبر والثبات لاني صج شوي مهزوزه بس متاكده وواثقه ان الله كريم وبيرزقنا عن قريب
    هي حكمه يعرفه اهو بس اذا اراد بنعرف الحكمه ولا بنعرفها بالاخره

    الله يحفظلي ميمي عن عشرين ياهل ماشالله عليها ويخليلي زوجي وانا انبهر الصراحه بايمان زوجي وثباته رغم كل اهله عندهم بالست والسبع العشر اخواته واخوه وعيال عمه وخاله بس هو عمره ما قنط من رحمة الله وصار زوجي مثل اعلى جدامي زعله جدا خفيف ما يظهر واتمنى اكون في قوة ايمانه واذا كان زوجي عبد صالح تبارك الرحمن ما يضيع فرض بالمسيد فمعناته اكيد الله مبتليه والله ما يبتلي عبد الا اذا احبه لان الله ليس بظلام للعبيد ويا بختنا اذا الله مبتلينا ويختبر صبرنا وايمانا

    والحمدلله رب العالمين .. لا حياة مع الياس ولا ياس مع الحياه
  3. @byt_saayd

    :2thmup::2thmup::2thmup:

    ميمي

    الله يثبتج كفيتي ووفيتي ...وكلامج قمة الايمان ربي يربط على قلبج
    واللي مكتوب لنا بناخذه بانابيب ولا طبيعي !!

    وانا معاج فعلاًً

    تكرر مووضوع الحمل الهرمون اللي ينزل ولا حد قاعد يفكر في السبب نفس الحبوب والتحاميل حق اي حالة تمر عليهم !!

    ياريت يكون في تطوير ... واهتمام


    وأرد وأقوووووووووووووووووووووووووووووووووووووووووول

    كل شي بكتبة رب العالميــــــــــــــــــن في النهاية مكتوب من قبل لاننخلق ..

    اللهم لك الحمد والشكر
  4. @am_asm

    ام ميمي .. اريدج جذية قوية :) والحمد الله كل كلام عين العقل والحمد الله على كل حال .. وربي يحفظ لج بنتج وابوها :) واهم شي انه زوج خايف ربه وان شاء الله الله بيرزقج ..وبيرزق كل البنات بس المسالة مسالة وقت بس ..
    والبرنامج العالج والله صدقتي من اول يوم تعب نفسي لين اخر يوم التحليل اذا حمل خووف و محااتاه و الهرموون و ارتفاعه و نزولة و اذا مافيه حمل بعد تعب نفسي والضيقه .. بس بالاخير الواحد يقول الحمد الله على كل حال .. الالحاااح بالدعااء و الاستغفار

تابعي تجارب أخرى من هذا القسم.