ملاتيت الزعتر اكله فلسطينيه وهي مثل الميلفاي بس على عربي فلاحي لا تفوتك سهله بالصور

متابعة النقاش، صفحة 13

شاركي في النقاش

سجلي الدخول لإضافة تعليق.

التعليقات

130
  1. اهلا وسهلا بكل البنات
    اعطيكم اكلة العدس بالرقاق
    طبعا هاي الاكلة بتنعمل بعجين فطير(طحين وماي وملح فقط)وبينرق وبيتقطع قطع مربعة صغيرة بالسكين
    لكن للسهولة ولضيق الوقت عند معظمنا انا جربتها بالمعكرونه الفيتوتشيني(عريضة وملفوفة على بعضها متل الكرة) اللي بيستخدموها بالالفريدو وطلعت ممتازة ومن ساعتها انا والوالدة معتمدينها لهالاكلة
    المهم الاكلة سريعة وما بتاخد منك وقت وبنفس الوقت طيبة جدا
    بتعملي شوربة عدس بالطريقة المعتادة بتدبلي البصلة المفرومة ناعم بزيت الزيتون وبتحطي العدس المجروش المغسل وبتقلبي وبعدين بتضيفي ماء فاتر وبتخليه لما يستوي منيح
    بتحطيله عصفر وكمون وفلفل اسود وملح (ما تحطي بها مشكل بيخلف الطعم)
    بتخلي الشوربة ميتها زايدة شوي علشان المعكرونة رح تستوي فيها بعدها بتكسري المعكرونه
    قطع 2 سم تقريبا وبتنزليها بالشوربة وبتوطي النار مع التحريك من وقت للتاني مدة 15 دقيقة لحتى تستوي المعكرونة وتمتص الشوربة
    اسكبيها بجاط بايركس بيطلع شكلها حلو وزينيها (من هون بتيجي النكهة الطيبة)
    زينيها ببصل شرايح مقلي ورشي فوقه سماق(كتير)واخر شي كمية منيحة بقدونس مفروموقدمي جنبها زيتون وفجل
    وصحتين
    بالنسبة للمقادير انا بعملها عالبركة بس ممكن لكل كوب ونص عدس مثلا 250 غرام معكرونه
    جربوها وانشاء الله تعجبكم
  2. اهلين فيك noga2005

    عزيزتي انا خرجت من الكويت 1990 يعني بعد التحرير وعشت بالاردن الى 1999

    ثم جئت الى الامارات لي ولدين الاول توجيهي السنة والتاني في الاول ثانوي

    انا كتير مبسوطة في البلد وفي عملي كمعلمة صف اول

    بصراحة انا اكثر الاوقات اكتفي بقراءة التعليقات او الوصفات اللي بيقدموها الاخوات
    ولكن طريقة الاخت بنت مفيد في اقراص الزعتر حركتني من مكاني فانا احب الاكل

    الشعبي كذلك عجبني ملف الاكلات الشعبية الامارتية
  3. على فكرة يا noga2005 الرقاق احنا بنعمله مع العدس الحب وليس المجروش

    والباقي نفس الطريقة مع كثير من زيت الزيتون
  4. اهلين wesamadi
    احنا كمان طلعنا سنة 90 وانا جيت عالامارات سنة 97
    واولادي اصغر من اولادك بصفوف خامس واول
    بس قوليلي سامعة بعدس ورقاق؟