الله يعوضج خير يارب .. انا السنة اللي حملت فيها حمل خارج الرحم و بعدها بأربع شهور حملت حملت و اجهضت و تبهدلت في لين ما نزلوه لي .. قلت خلاص ما ابي عيال .. و ما اقدر ادخل المستشفى بريولي .. و سبحان الله بعدها 5 شهور قمت من النوم فجأة قلت باخذ موعد ..فانا اقول اتركي الامور لظروفها.. والعبرة مب بكثرة العيال العبرة بالبركة في العيال في ناس عندهم 10 و مافيهم بركة و ناس عندهم واحد ربي باركلهم فيه و عوضهم فيه .. بس انا ارجع اقول الانسان طالما صحته ووضعة يساعدون لازم يحاول ..
و انا راي المرة الجاسة تطلبين ابر كلكسان او هيبارين.. ابر السيولة او على الاقل سوي تحاليل المناعة لان عندج اسقاط مرتين .. انا اخت زوجي جذي سوت انابيب احملت و سقطت و حملت طبيعي كم مرة و سقطت اخر مرة سوت انابيب و خذت ابر سيولة و ما شاء الله بنتها عمرها قريب سنتين اللحين .فانتي حاليا لا تعيدين التجربة جذي بدون ما تتاكدين من هالامور ..بس لما تروقين ..
الله يعوضج خير يارب .. بغيت افتك منج رجعتي في جبدي يالله المرة الجاية ان شاء الله.
انا هي كلامي دايما مشكلتهم انه نفس الطريقة .. المفروض بعد فشل المحاولة و هذي اللي اشوفه مع الاجانب .. بعد كل محاولة فاشلة يكون لج اجتماع مع الدكاترة لتقييم المحاولة و اختيار الخطوة الجاية ..بس هني يعاملون كقطيع .. :09:
الله المستعان هذا افضل الموجود .
شاطرة .
الدم مش نهاية المطاف حتى لو نزفتي نزيف لازم تحللين ؟؟ انا المستشفى كانوا يأكدون علي هالشي انج لازم لازم تحلليل .. اعرف وحدة نزل عليها دم و ما راحت حللت بعدها بثلاث اسابيع نزل عليها دم كثيف ..اكتشفت انها حامل .. بس قالولها خلاص يمكن الحمل ينزل . يعني سبحان الله لو كانت اهتمت ممكن كان استمرمع ان كل هالامور ارزاق .
فالدم في اليوم 11 ممكن يكون علامة زينة .. احيانا يكون دم انغراس الاجنة .. في ناس ينزل عليه نقطة وناس كمية و يوقف .. على العموم نطري لين بكره و حللي دم هرموني احسن ..
و الله يرزقج يارب.
ملف المقبلات على اطفال الانابيب والحوامل في دولة قطر (التجمع العاشر )
متابعة النقاش، صفحة 41