شاركي في النقاش

سجلي الدخول لإضافة تعليق.

التعليقات

60
  1. @aaros_llabd

    سبحان الله والحمد لله ولا إله إلا الله والله اكبر

    أختك ماشاء الله تبارك الله طبيعية جداً .... يعني ايش عمرها 31 سنة وعندها عرج ... هذي الأمور ماتخليها مختلفة ولا تخليها محط شفقة الناس ... كون عمرها 31 سنة .. ترى هذا عز الطلب في الزواج وبالذات في وقتنا الحالي ... وهذا انتي تشوفين القصص الكثيرة عن بنات ماتزوجوا في العشرينات وجاهم أفضل زوج في الثلاثينات ....وبعدين 31 سنة صغيرة مو كبيرة ... يعني إذا كنتي تشوفين إنها كبيرة ... طيب تعالي كذا واحسبي معي العمر اللي ممكن فيه تنقطع الدورة عنها ويصير خلاص مالها امل في الإنجاب ...يعني لو قلنا ان عمر 50 سنة أو 51 سنة كأقل تقدير لأن في نساء ماتنقطع الدورة عنهم إلا بعد 55 سنة لكن خلينا نقول من عمر 31 سنة إلا عمر 51 سنة يعني باقي لها عشرين سنة تقدر تتزوج فيها لا وبعد تنجب كل سنتين وبكذا يصير عندها 10 عيال هذا لو جابت كل سنتين ولو جابت كل سنة عندها فرصة تنجب 20 بعد مو 10 بس احنا نتكلم في حدود المعقول وحالة اختك معقولة جداً ....بعدين الحسبة اللي فوق حقت الانجاب ...لكن المرأة ممكن تتزوج حتى في سن الخمسين والقصص كثيرة على نساء تزوجن في الخمسين لأول مرة وعاشوا سعداء وفي منهم الطبيبة والأستاذة الجامعية والمعلمة والممرضة والموظفة وحتى ربة البيت اللي ماشتغلت ولا كملت دراستها حتى لظروف عائلية وتزوجت في الأربعين أو في الخمسين وعاشت سعيدة ...وبعدين يا اختي العرج مو مشكلة ومو عيب .... واللي يشوفه عيب ترى هو اللي معيوب وعنده مشاكل مو مشكلة واحدة ... يعني اختك ماشاء الله عليها موظفة ويمكن جامعية بعد وشخصيتها ممتازة وطبخها حلو ... ترى هذي الأمور ماتجي من فراغ ... اختك باين عليها ماشاء الله تفكيرها إيجابي ومتزنة عقلياً وواعية واتوقع انها تعبت على شخصيتها وربت نفسها بنفسها ولا كان ماوصلت للخير اللي هي فيه الحين ... نعم اختك تعيش في خير لا يعيش فيه أغلب من تظنين انهم احسن حال من اختك .. ولو بغيتي تتاكدين من كلامي قارني بين حال اختك وحال غيرها يعني عمرها 31 سنة وما تزوجت طيب في غيرها كثير عمرهم 21 سنة وتزوجوا ويعيشون في نكد ...طيب ليه ما تقولين عمرها 31 سنة وموظفة ... لأن فيه بنات جامعيات وصلوا الى عمر 41 سنة ومالقو ا وظيفة ... طيب وش رايك باللي عمرها 31 سنة وموظفة ومتزوجة لكن لا تحب الناس ولا الناس يحبونها ... وين اللي احسن هذي ولا اختك .... شفتي كيف ... فاختك تعيش في خير ونعمة ما يعيش فيها اغلب البنات ... وترى اختك طبيعية جداً وما فيها الا العافية ....وانا اقول لك من الحين بشريها بالحياة السعيدة الرغيدة الهانئة سواءً تزوجت أم لم تتزوج ... وإن شاء الله تتزوج قريب وتفرحون فيها ... طولت عليكي معليش .

تابعي تجارب أخرى من هذا القسم.