شاركي في النقاش

سجلي الدخول لإضافة تعليق.

التعليقات

19
  1. صاحبة الموضوع
    اريد ردود اكثر ما ساعدتوني قد ما كنت متوقعة
    عالعموم جزاكم الله كل خير
  2. @tok_alyasmyn_2

    حبوبة الدلوعة
    للرفع
    اختي
    اخاف اتاخر عليج علشان جذي بكتب على انها عزيمة رجال وحريم
    اول شي تبدين بتنظيف البيت كله قبل العزيمه بيومين
    والمطبخ اهم شي والثلاجه تشوفينها وترتبينها
    علشان يوم العزيمه يكون كل شي جاهز
    وقبل العزيمه بيوم تسوين الحلو حلو قهوه وحلو العشا
    وتكتبين شنو راح تسوين عشا
    مثلا صينية مكرونه وكبسة لحم اودجاج وصينية خضار
    ومقبلات مثل سلطة مكرونه وسلطة ذره وفتوش
    وشوربه
    وسلطة فواكه
    بيوم العزيمه تبدين من العصر بتحضير السلطات والصواني بس من غير تحمير
    وتسلقين الدجاج او اللحم بالبهارات وتخلينه
    بعد المغرب
    تجهزين قلاصات العصير والفناجيل والبيالات والحلو والتمر
    وتحطين كل شي بغرفة الضيوف
    والرجال تحطينها بمجلسهم
    وبعدين سوي القهوه والشاي والعصير لاتصبينه علشان يكون جاهز
    وتروحين تتجهزين
    واذا خلصتي نفسج
    شغلي التكييف وولعي البخور في البيت
    واذا جو ماعليج الا توزعين العصير وتصبين القهوه والشاي
    وبهذا الوقت حمري الصياني واطبخي الرز وحطي الليمون والملح على السلطات ووزعي حلو العشا
    وجهزي السفره ورتبيها
    http://forum.hawaaworld.com/showthread.php?t=357574
    اذا تبين الحلويات والطبخات المنتدى مليان
    وسلامتك

تابعي تجارب أخرى من هذا القسم.