اللهم اجرني هل هذا حمل خارج الرحم؟

مشكوره اختي على نقل تجربتك بس عندي بعض الاسئله
متى حسيتي بالالم؟
وش كانت الاعراض المبدئيه قبل ما تكشفي انك حامل؟
هل جاك وحام؟
هل الجماع ياثر؟
مشكوره اختي واسفه على كثرة الاسئله

حبيبتي انا بحكيلك تجربتي ..
قبل سنتين كنت حامل وكان خارج الرحم بعد ماحللت طبعا وكان مافيه كيس حمل وقتها كان معي نزيف خفيف ..
وتحليل الهرمون كان كل مره يرتفع اكثر من المره اللي قبلها ووصل فوق 2000 بس انا الحمدلله لما قالت لي الدكتورة انه احتمال خارج الرحم رحت لمستشفى حكومي وعلى طول نوموني وبعد الفحوصات والتحاليل تأكدو ....
واعطوني ابره كيماوي والحمدلله نزل بعد كم يوووم وحسيت بشوي تعب وكان في الاسبوع الخامس من الحمل .... اهم شي لاتهملين نفسك ولاتتأخرين روحي مستشفى افضل وتأكدي ... وانا كنت احس بوحام .. وماتشوفين شر

مو شرط انه حمل خارج الرحم اسمعي قصتي انا تاخرت علي الدوره وحللت منزلي وطلعت حامل بعد اسبوع جاني الم اسفل بطني ونزل معي دم رحت المستشفى قالو ما فيه شي باين بالرحم يمكن حمل خارج الرحم ونوموني بالمستشفى وسويت تحليل وطلع هرمون الحمل يرتفع اكثر وسوو لي اشاعه وماشافو شي بالرحم وقالو يمكن حمل خارج الرحم بنشوف اذا الهرمون يرتفع اكثر معناته فيه حمل بس مو لاقينه وسوو لي تحليل ويرتفع هرمون الحمل ولما جا اليل وانا بالمستشفى رحت الحمام الله يكرمك وطلع مني قطعه قد الأصبع انا استغربت انها موبانه في الأشاعه وصار تسقيط ولاهو حمل خارج الرحم ولا يحزنون والحمد لله على كل حال

إن شاء الله خير
أول ما اكتشفت أني حامل عن طريق الجهاز المنزلي مع انه ماكنت احس بأي أعراض للحمل بعدين رحت حللت دم في مستوصف خاص وبان الحمل وبعد كم يوم رحت مستشفى عام وقالتلي مافيه شي باين بالتصوير يمكن يكون خارج الرحم وأعطتني موعد بعد إسبوع والله ماقدرت أكمل الأسبوع بعد كم يوم رجعت للمستوصف الخاص وسويت تصوير والحمدلله بان الكيس والجنين...هذا الكلام من 3سنين
الله يرزقك من واسع فضله ويفرح قلبك

جزاكن الله خير
والله احس بالامل يتجدد داخلي بفضل الله ثم تجاربكن تريحوني سواء حمل خارج الرحم او داخله