♥OoO♥ تجمع بنات UK بريطانيا ♥OoO♥

ماشااااااااااء الله

الف مبروك الملف الجديد والله يرجعكم بالسلامة لدياركم حبيباتي
وانتم رافعين الراس

بنات

أنا مدري ليش كل ماصار لي شي أو ضاقت فيني الوسيعة
لجأت لرب العالمين ومن ثم جيت افضفض لكم وربي مدري ليش
رغم بعدي عنكم بس يمكن لأنكم كنتم في يوم من الايام خواتي وحبيباتي اللي أمي ماجابتهم


بنات بريتش الغاليات على قلبي

طلبتكم ونخيتكم قولوا تمّ
أسألكم بالله تدعون لي في ظهر غيب إن ربي يحقق كل اللي أتمناه
ويحبه قلبي في بيتي ودوامي
تكفووووووووون ادعوا لي ماأكون حامل وربي نفسيتي تعبااااااااااانة
مررررررررة.... بنات والله مسوووووية كل الاحتياطات اللي تتخيلونها
وأدري إن اللي ترضع ماتجيها دورة أحياناً طبعاً
بس مدري ليش خااااااايفة وناغزني قلبي رغم انها ماجتني الا اول مرة بس
وربي خلااااااااص نفسيتي من جوا مررررررة رايحة فيها

تكفوووووون ادعوا لي بظهر غيب إن ربي يكون معي وماأكون حامل
ترى وليدي مابعد خلص ٤ شهور توه صغير وبنتي صعنونة ماكملت حتى سنة وثمان شهور
يعني كلهم صغار وفوق بعض >> طبعاً أنا ضد هالمبدأ بس ربي كتب
لا وعندي ولدي الأول على وجه مدرسة وعندي دوام مرهق بجنووووون
وشغالة مو نشيطة يارب لك الحمد وأبنقل بيت جديد وحوووووووسة
يعني وربي مررررررة راح يكون تعب علي لو كان فيه شي



بنات

والله ترى مو بطر ولاهو رفس للنعمة بس وربي كل من شافني
انخرع وقال وشفيك مرررررة نحفت وجهي شااااااحب وأصفر ولاصار عندي وقت
لا لنفسي ولا لبيتي وعيالي ولا حتى لزوجي
صحتي كل مالها بتسوء يعني حتى جسدياً انا تعبااااانة
انفلونزا وصداااااااااع قاااااااتل مستمر شكله داخلني برد ولا هو راضي يروح من زمااااااااااااااااان
ولدي صراااااخ الله يهديه ويصلحه بس
بنات لا تدعون لي ربي يكتب لك اللي فيه الخير لأن الله مايجيب إلا الخير

بس أنا أبيكم تدعون لي بهالدعوة ولا أبي منكم إلا هالدعوة وبظهر غيب
<< طرار ويتشرط بعد

(ياااااارب ترحمها وتحقق لها اللي في بالها وماتكون حامل ولا تكتب لها الحمل إلا أذا سألتك
ياااااارب تريحها وتهدي لها عيالها وتسخر لها شغالتها وزوجها وتكتب لها الوظيفة اللي تريحها وتتمناها )

من باب مايغير القدر إلا الدعااااااء

بنااااااات وربي تعبت تعبت تعبت فيني صيحة

بنات تكفون
ربي يسعدكم وربي تعبانة ومحتاجة دعواتكم

هاي كوالتي
انت ماتعرفيني انا متابعه للتجمع من زمااااااااااان بس نادر ماشارك
اول شي طمنينا عن بنتك اتذكر انجرحت قبل تسافرين>>>> قولي بدري

وثاني شي
لا تشكين لا ابكي:09:

من وسوسه الحمل
طيب انتي مو قلتي ماخذه كل الاحتياطات ليش معيشه نفسك في قلق
انا الشهر اللي فات زيك بس عدت على خير
مو عشان شي بس نوني صغير مااااااااقدر الحين

انتي حللي عشان يرتاح بالك

هاي كواليتي
لاتصيحين ياقمرهم ولا تضيقين خلقك روقي وبقولك عدة نقاط حطيها في راسك
الف وحده وحده يتمنون الحمل وانتي قاعده تصيحين عليه وهذي نعمه من الله وهديه فيه احد يرفس النعمه اللي جايته
وثانيا انتي معتمده على الرضاعهبس اكيد توقع فيه حمل الحين اللي تاكل حبوب وتركب لولب تخاف من الحمل فمابالك اللي ترضع اولا يقولون لك الرضاعه اذا يرضع الطفل بشكبمستمر هنا ممكن يصير منع حمل بس اذا متقطع ورضاعته حوسه ممكن حمل وبعدين صارت لك وجتك الدورة معناته صار فيه تبويض معناته توقعي حمل
الخلاصه توقعي حمل باي وقت
الشي الثالث
جيبي ناني او مربيه او شغاله اللي يسمونها المهم تكون خاصه للصغار بسسسسسسسسسسسسسسس
وشغاله للبيت
ياحبيبتي الواحد ليه يشتغل ويداوم عشان ينغنغ نفسه جيبي شغاله مو دايم فقط لمدة سنتين او اربع سنوات حتى الرورو مو انا اقصد الصغار :22: يكبرون بعدين سفريها

على فكره الصراخ اللي في ولدك كله منك لآن الطفل سبحان الله يقولون يحس بتوتر امه فما بالك الطفل اللي يرضع من امه مسكين تلقينه يرضع وهو خايف والله جد كلامي مره جابه بالتلفزيون الأطفال اللي يرضعونيكونون اكثر حساسيه واحساس بالأم وغير كذا ولدك من حملتي فيه وانتي كارهه الحمل لآن بنتك صغيره وهذا بعد ينعكس عليه
خلاص روقي واللي صار صار الحمل صار فيك شتسوين تنزلينه طبعا مستحيل مالك الا انك تفكرين بقدام وبعدين تقولين الله الحين جبتهم وارتاح اشوف نفسي واهتم بجسمي مو بينهم كم سنه مايمديك تصلحين اللي اخترب يجي حمل ثاني يخربه
تخليهم بعدين اذا دخلوا كلهم المدرسه وقعدتوا ع الطاوله بعد الغدا وكل واحد منهم يتكلم ويحكي لك اللي صار له بالمدرسه فكري بالشي الحلوو
لاتفكرين بشكلك وتعبك لآنه بيزيدك تعب
انتي اهتمي بنفسك خوذي فيتامينات وحبوب حديد تراني مجربه نقص الحديد يمرض الوحده ويجيب الكئابه

وانتي للحين خايفه انه مايكون فيه حمل
يعني احتمال انه مافيه حمل

مااقدر ادعي لك الا اقول اللي يكتب اللي فيه الخيره لك ويختار لك اللي يصحالك ومصلحتك طمنينا عنك بأقرب وقت

هلا هاي كوالتي
ياقلبي وربي حاسه فيك انا بعد ياكثر ماتجيني هالحاله
اصير مهبوووله لابعد اتخيل اني اتوحم
المهم ياقلبي
انتي الحين ترضعين البيبي الهرمونات عندك تزيد وتنقص يعني التاخر من الهرمونات دامك انت ماخذه حذرك من الحمل ان شاء الله مانتي حامل بقولك شي
انا كنت ارضع ولدي الاول ولا كنت استخدم حبوب المهم والله اني اتذكر السالفه هذي واخاف من خوف ذيك الايام
المهم كنت ارضع ولدي والدوره جاتني وبعدين ماجت لمدة ثلاث شهور وقلبي صار يعورني ويجيني مغص وخوووف
المهم بعدين جت الوره وارتح وبعدين صارت نفس الحركه
لا بعد من قو قلبي مااروح للمستشفى ولااحلل اخاف انصدم بخبر ماودي فيه
المهم بعدين انهبلت وقررت اني اروح للمستشفى
رحت وسويت تحليلات وخرابيط قالو لي علشاني ارضع ولدي في اوقات على كيفي
يعني مااحسب له كل 3 ساعات مثلا رضعه كامله من الصدر اليمن ربع ساعه والصدر اليسار ربع ساعه هذي تعتبر رضعه كامله وتسوي توازن في الهرمونات
بقولكم شي قالتلي الدكتوره عنه واقسم بالله ضحكت من قلبي قدامها
وهي بعد ماخلصت قالت لي شو ماعجبك كلامي شكلك مو مصدقه رجعت اضحك قلت لها لا بس غريب كلامك
تدرين وش قالت لي
تقول الصدر اليمين له علاقه مع البويضه الي في الجهه اليمين والصدر اليسار فيها علاقه مع البويضه الي في اليسار
ولما نرضع البيبي رضعه كامله البويضه تكون مشدوده ولا تنفجر في نهاية الشهر ابد ويسمى رضاعه نضيفه يعني ماتجيك الدوره الا بعد ماتخلصين من الرضاعه

المهم هدي لاتشدين اعصابك وتوترين نفسك وتوترين البيبي معاك
الله يحقق لك طلبك ويسهل اموووركم
ومابننساك من الدعاء