ما عم افضى بالمرة .. الله يكتّر المحبين البيت ناس داخلين وناس طالعين الحمد لله على كل شي :) ...
بس ما عم اقدر حتى اتمدد لو نص ساعة خلال النهار كل الوقت قاعدة مع الناس او قاعدة برضّع وبالليل طبعا استلام على قولتكم ... الله يعين وتمر هالفترة على خير ..
كمان شوي جايين عندي صاحباتي نفطر سوا هاي احلى زيارات :D و المسا بدنا نعيد تحليل الكالسيوم للسيد سيف وان شاء الله خير
مجدولين الف مبروك البنوتة والحمد لله على سلامتكم انت وهي :)

صبايا اللي بيسألو عن مطهر القطب انا هالمرة جربت بيتادين البخاخ برش منه شوي على الفوطة بعد ما اكون غسلت بمية دافية وتنشفت منيح .. و الحمد لله كم يوم بس حسيت فيهم وبعدها خلص ..
وبما ان الشيء بالشيء يذكر لازم اشكركم على مدح فوط برايفت صراحة كنت امر عنها وما اهتم فيها بالمرة .. جربتها من اول يوم طلعت من المستشفى عن جد رائعة .. وكمان مرتاحة على كوتكس (جبت باكيت من كل نوع اجربه) بس اكيد رح اعتمد برايفت جدا روعة ..
والمضاد كتبت لي سيفوتيل وخلصته بس اظن كل المضادات كويسة ان شاء الله ..
مناسبتي اسم رؤى حلو وناعم بس غنى كتير أحلى .. تعيش وتحمل اسمها الحلوة .. :)
ماشي الحال .. الله يسعدك شو بترفعي معنوياتي بكلامك .. و عادي كلنا حسينا بالورطة مع اول بيبي بس حاولي تريحي أعصابك قد ما فيك ولا تنقلي توترك للبيبي بركي بتريحك شوي بالنوم ..
فراشة كيوت .. سلامات حبيبتي الله يعين ..
أم ارجوان .. فعلا اسم بيسان روعة لا تردي على حدا .. وأكيد بيسو محلّيته كمان :26:
ورد وجوري .. الله يعينك على الغيرة والله شكل الوضع مستفحل .. بس صح كلامك خلي ابنك يعمل شو ما بده هالفترة ويشرب بالرضاعة ..
نظر عيني يسعد صباحك .. اول ما شفت الاقتباس اللي مش زابط فكرتك انت اللي ولدتي :D
أحلام أم ... الله يعين هاي الأمومة .. يا حليل اللي عندها واحد ولا 2 .. :) ...
عاشقة زوجي مشكوووورة على تجربتك وردك .. الله ييسر لنا الخير المشكلة انا كتييير خايفة من الحبوب واصلا مستحيل اتزكر اخدها كل يوم .. عارفة حالي
البكريات المستعجلات الساعيات إلى الخلطات :D اتركوها لربكم يا جماعة لا تفكروا الولادة كمان راحة تامة واستجمام كلو تعب وكلو مشقة فلا تستعجلوا على رزقكم جااااي باذن الله ... اكيد كرهتوني قد ما حكيت هالحكي :D