..محتاره جدا ..
ياحبايبي اللي في عالم حواء انتو وجهتي الاولى لأي استشاره في حياتي اثق في ارائكم الرائعه على اختلافها من فتره كنا مقررين نشتري بيت يعني زوجي واخوه تضامن ولكن للاسف بعد مالفينا وشفنا اسعار البيوت لقيناها نار في مكه وانتو عارفين كيف العقار ارتفع اضعاف اضعافه عندنا بعد اليأس اتفقوا انهم ياخذون بيت بعد خمس سنوات الين ماتنزل اسعار العقار ....(((( انا لاأومن بأن اسعار العقار تنزل على ألأقل في مكه ))).... خلال فترة الخمس سنين هذي قالوا ياخذون سيارات جديده يمتعون نفسهم قبل ماتغلق الخمس سنوات المهم انا مومرتاحه ابدا لفكرة السياره لان سيارتنا تمشي حالها ولما جاب زوجي ورقة القرض من البنك للسياره بمبلغ وقدره 2500 ريال وان اخر قسط ينتهي عام 1437 والله يابنات ماتصدقون قد ايه حسيت بضيقه وكتمه شفت الدنيا سودا في وجهي بمعنى اصح مارتحت واقترحت على ابو بناتي يزيد القرض شويه وناخذ لنا شقه تمليك لاني لااضمن الزمن والمستقبل ولااضمن العقار اللي كل يوم في العالي ودي في بيت لنا انا وبناتي يسترنا من غدر الزمان والله في هذا الزمن ماينفع لاأب لاخال لاعم ولااخوان ماينفعك الاجيبك ونفسك والله كل واحد يقول يالله نفسي ومرت عليه قصص واشياء بس الواحد مايقول اللهم عافينا ولاتبلانا .. حسيت من كلام زوجي انه هو متفق مع اخوه ويعتبرها خيانه له ويخلف وعده وانا والله احب ماعلى قلبي يسكن مع اخوه لكن زي ماقلتلكم اني مااضمن بكره ايش يصير موبعد خمس سنوات ..محتاره جدا ولاابغى اظغط على زوجي وخايفه العلاقه مع اخوه تتغير وانا السبب جدا محتاره موعارفه اقرر وفي احساس داخلي قوي ان اضمن مستقبلي انا وبناتي الان موبعد خمس سنوات و****لله الاقي عندكم الراي السديد