اشياء تقهرني من الضيوف تعالو نفيد بعض [ أخذ حقه من النقاش ]

:mad: ليش النووووم وجع ان شاء الله اقول تبغين الراحه اذااتصلت عليك اعتذري قولي بروح لاهلي او عندي موعد لمستشفى <<<<حتى تطفش ....معليش تجي اما النووم لالالا اكرره هذي النوعيه ..............واذا مانفع معاها نامي عندهم ولا كلمي زوجك يكلم اخوه يقول احنا مو بعيد من بعض نقدر نزور بعض اما توصل لنوم مالها داعي كلمي زوجك الله يكون بعونك .........


الا بنات الي تقول بعضهم تحط المناديل بالصينيه طيب حطي عندكم بالمجلس زباله صغيره علشان الوحد ماتحطه بالصينيه ...لان مستحيل احطها بالشنطه ........المهم اذا الوحده بيزورها احد تقفل الغرف النوم والحمامات تقفلها كلها الا حمام واحد لان بعض الاطفال يدخلون كل الحمامات .المطبخ يتقفل .جهزي المجلس حطي فيه ماء مع كاسات <<<حتى تطردين الكذاب لبيت اهله (هذا مثل)<<<لان بعض الاطفال متعود يطلب مويه حتى لومايبغى بس يحب يستكشف <<<الشبل من ذاك البوه <<<خخخخخخخخ..

وش بعد ....مثل ماقالت وحده من الاخوات اذا الوحده تبغى تغير لولدها ع طول عطيها كيس واهي بتفهم ...اذا الاطفال يبغون يلعبون طلعي الالعاب لهم بالصاله اما بالغرف بيحسونها.......


طبعا انا مو متزوجه بس اكرهههههه هالحركات مره وحده من الجيران زارتنا وعيالها الله يهديهم شياطين قليله فيهم حتى لدرجه يتكلمون ع الحريم الكبار بكلالام وصخ واهي ماهمها بس >حبيبي عيب <ماادري كيف تجي ولا تطلع الا وعيالها مجننينا ...... اخر مره زارتناكنت طالعه من المجلس ورايحه للغرفه الولد وراي وانا ماادري وانا طالعه من الغرفه الا هو قدامي ع طول مسكت اذنه وقرصتها قرصه قووووويه :hahaha: وقلت له انقلع رححححح لامك تربيك زين والى اللحين مازارتنا بالقلعه ماصدقت انها ماتزورنا .....

:mad:وي وي وي وش ذا انا بنجن الله يعلم بالنيات شكلها حاقده ....حبيبتي الدنيا دواره بيجي يوم يجونها ناس عيالهم ديناصورات والله الناس قل فيهم الذوق واذا تكلمتي قالت حرام طفل من اللي يزعل من طفل .....يارب توقعت هالنوعيه انقرضت واثاريها في تزايد :mad:

عاد بقولكم موقف واحكمو.......


عندنا جيرانا يتصلون علينا ماشاء الله عليهم من اليوم اللي قبل يقولون بنجيكم بالعصر قهوه ...ممتاز....لكن المشكله واتوقع غريبه اذا جاء العصر تجلسين تنتضرينهم ونتصل عليهم يقولون مابنجي بس امي اللي بتجي <<<والساعه 5ونص العصر اش بقي ومتى تجي امهم تتوقعون <<<<<<<<<<<<<<<<<<قبل الاذان المغرب بعشرين دقيقه بالله عليكم موقلة ذوووووق لا ويوم نتصل هاه بتجون ترى كل شي جاهز يكلمونا من طرف خشمهم ......ولا تكرر هذا الموقف مرتين .ع الاقل يتصلون ويعتذرون واحنا نجلس ننتظر.اعطوني ارائكم كيف نتصرف ؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!1

انا احب ان كل واحدة تعامل الناس في بيتها مثل ما تحب انهم يعاملوها وتتعامل مع بيوت الناس الناس كأنه بيتها يعني انا لما اروح عند ناس ما أسمح لأولادي يتصرفون تصرفات غير لبقة ياأما ما اخذهم اصلا لو انا اعرف انهم مو ولا بد,مثل وحدة عزمتني عندها والا جيبي اولادك ولما اخذتهم حتى غرف الأولاد والألعاب ما يرضون يدخلو اولادي عليها جلستهم جنبي وانقضت الليلة بزن ونكد طفشانين يا ماما يلا نروح يا ماما و لما هي جات عندي العفو منكم اولادها ياكلون الكيك فوق السجاد الصيني وواحد من اولادها ضل ينقز على سرير الأولاد لين ما انكسر السرير وطاح في الأرض نص الألعاب ما تركوها الا وهي مدمرة والحرمة بكل برود شافت كل هاد وتقول بس يا واد وتحمل حالها وتمشي وكأن شيئا لم يكن, طيب في حديث عن رسولنا الكريم بيقول احب لأخيك ما تحبه لنفسك اللهم صلي وسلم وبارك على حبيبي محمد. الله يغفرلها ويسامحها ويسامحني لأني جبت سيرتها بس شي يفقع المرارة

اييييييييييييييه على الزيارات بس
لكن انا لها:
بصراحة صرت احسب حساب الاطفال بكل شي..لما اشتري مواعين واغراض
ههههههههه
يعني مثلا...العصير
لما اقدمه ...احط كاسات صغيرة لللطفال علشان الطفل مايقدر يشيل الكاسة العاديو وكمان يمكن يكب العصير ويكسر الكوب وإذا ما اعطيناها سووا صياح وبكاء وازعاج
واحراج للأم
فعلشان كذا صار فيه كاسات صغيره مخصصه للصغار
كمان اذا إلي تجيني معها صغار
صرت اخليهم يجلسوا بالصالة طبعا قدام اهلهم واشغل لهم التلفزيون واحط لهم فطاير وزي كذا
واغلب شي ما احط لهم اذا يبغون ياخذون مع امهم لأنو انا متوصيه بالصحن يشبع عائلة هههههههههههه

وصرت اوصي زوجي يجيب أعاب من البقاله : سيرات صغيرة او مكعبات او دفاتر رسم
او اي شي رخيص لكن اهم شي يسكتون ويلعبون ويريحوني
وفي النهايه يطلعوا الصغار مبسوطين وكمان يحبوني وكمان انا اسولف مع امهاتهم وانا مرتااااااااااااااحه

واذا الجلسه اصلا سهره وبتطول
احظر بالصاله السفرة وقدام التلفزيون واعشيهم وبعدها ندخل المجلس ونكمل على شاي وننقنق في فطاير
وبكذا العيال مايوسخون المجلس

وطبعا اشيل كل شي ممكن ينكسر وارفعه على الدولاب واريح وارتاح
واذا شفت ولد ضغير بالحمام انادي امه(عادي مافيها شي))يمكن الولد يستحي واكيد مايعرف ينظف نفسه طبعا اكون مقفله الحمامات علشان العبث باغراضه
وبكذا تدخل الام مع ولدها...وبكذا ندرء المفاسد
بالنسبة للحفايض الله يكرمكم ...طبعا حاطة كيس بالزباله ..بالحمام
ولما احد يحط الحفايض ارجع اقفل الكيس عليه نفسه وبعد مايطلعون ارمي الزباله برى او اوصي الحراس يكب الزباله
ويادار مادخلك شر

وهذي طريقتي مع الضيوف وعيالهم الملاقيف وصاروا مؤدبين ولو تشوفونهم ماتصدقون صاروا يحبون يجون عندي
يقولون نبغى نروح للعروسه ههههههههههههه
طبعا انا ماعندي عيال ويالله يارب يرزقني
وطبعا الالعاب اكيد ياخذوها هديه معاهم بالعافيه اهم شي يريحوني وبس
واعرف اسولف مع الحرمة


لأنوا اول زواجي كانوا الصغار فوق الدولاب وعلى الكنب ونط ورفس
لأنهم ماعندهم شي يشغلهم او يلعبوا فيه فصرت اسوي هالحركة وجابت مفعووووووووووول
لدرجة ان الاطفال إلحين صاروا قبل لايطلعون من عندي صاروا يساعدوني ..ما ادري إلى والصغار بنفسهم يجيبون الاغراض إلي بالمجلس فنجان امهم او الكوب عندي المطبخ
ههههههههههههههه
شطاره


وسلامتكم ياحلوين