♥OoO♥ ‏ الملتــــ السابع في الارض الخـضـراء ((مالــــيزيا))ــقى ♥OoO♥ ‏

شوفي هذا الموقع

http://www.iproperty.com.my/rental/

ما عليك الا انك تحطي اسم ااولايه واسم المنطقه وحدود السعراللي تبين وهو يتكفل بكل شي


اهلين في الموعد لك وحشه
ما حبيت اعدي على سؤالك وما اسلم مع اني ما عندي فكره واتمنى البنات يساعدونك


الله يبارك فيك وتسلمين ياقلبي


والله ما عندي خبر اتمنى البنات يفيدونك

أول شي مبارك والله يجعله من الصالحين البارين فيكي يارب.
مابعرفه والله مركز الأمومة اللي بتحكي عنه بس إجمالا بيعتنوا بالحامل من كل النواحي وبيعطوكي فيتامينات صح؟ داومي عليها لأنها منيحة كتير.
رح أحكيلك عن المشفى اللي ولدت فيه مع ان بعيد عنكم بس يعني ع الأساس انه تجربتي بماليزيا:
والله اني كنت مرتاحة كتييييير ومعاملتهم فوق الوصف ماشاء الله
وأنا ولدت طبيعي الحمدلله _عئبالك ان شالله:)_ ومع هيك كان من ضمن الفاتورة اني أضل تلت أيام وبغرفة لحالي ومع الفطور والغدا والعشا كمان وشوية تسالي خفيفة ع العصرية وكمان كانوا بعد كل وجبة يعطوني نص حبة مسكن للألم من غير ما أطلب والولد همة بيعتنوا فيه عناية كاملة وما بيجيبوه إلا إزا طلبتيه انتي ممممم وشو بدي أقولك كمان يعني في خدمات بستحي والله أحكيها هون بس حتى همه اللي بينضفوا مكان الئطب وبطهروه والدكتورة كل يوم تقريبا بتكشف ع القطب إزا مناح أولأ وطبعا بعملوا فحص الصفار للولد وبنفس يوم طلعتي عطوني شنتة للبيبي فيها تقريبا كل احتياجاته الأولية.
والدكتورة ماليزية مسلمة تعاملها راقي والله ولزيزة ماشالله عليها رغم انها مو محجبة لكن لبسها محتشم كتير.وبس حابة أنبهك لشغلة انه تحكي للدكتورة من الأول انه بدك اللي يفوتوا عليكي مسلمات لأنه في ممرضات هنود كتير وحتى همة والله تعاملهم حلو هاد الحكي بكل المستشفيات.
أنا هاي تجربتي وبكل صراحة حتى وأنا بحكيلك بتزكر هديك الأيام وبحنلها ولو علي حابة أولد هون المرة الجاي بس جوزي مو راضي لأنه تغلب معي كتير بحكم انه لوحدنا وما عنا خبرة كنا خايفيين بصراحة.
بس بما اني حكيتلك تجربتي لازم كمان أحكيلك تجارب غيري صاحبتي ولدت ئبلي بفس المشفى وهيه ما حبته أبدا وبتئول كان ممكن أولد طبيعي بس الدكتورة استعجلت علي وولدتني قيصري. بس أنا ماخفت من هاي الناحية كتير . وأنا بولد سألتني وقولت لأ لأنه كان المصون صارله يوم كامل ومو راضي ينزل وحاولت بالشفط مرتين لنزل الحمد لله.
وكمان وحدة من غير ما تجربه ئالت عنه انه مو منيح وبتئول انه المشفى الحكومي أحسن بس لا والله لما رحت ع الحكومي أشوفه والله حسيته زي المسلخ بخوف بس كمان عندهم عناية بس بالمشفى اللي بحكيلك عنه بتحسي براحة نفسية مو طبيعية.
وهي رابط المشفى اللي ولدت فيه مشان تشوفي وين موقعه إزا بيناسبك
http://www.pearlmaternityhospital.com.my/

هوه هاد المشفى بعيد عنكم بس ان شالله بتلائي الأحسن وبالنسبة للتكلفة الولادة لحالها 2000 ولأني استخدمت الشفط والأدوية وئعدت تلت أيام والغذاء الفاتورة طلعت 2500 يمكن ئريبة من تكلفة الأردن بس طبعا الخدمة مافي مجال للمقارنة( مع إني ماجربت :42: بس ع حكي اللي جربوا).
ان شالله أكون أفدتك.
وأكيد ما عندي مانع انه نصير صاحبات بالعكس بتشرف.
وعادي ضلك استفسري ئد ما بدك لأني مريت بالمرحلة اللي انتي فيها حاسة فيكي والله.
ان شالله أكون أفدتك وسامحيني ع الإطالة بس حبيت أعطيكي كل التفاصيل.
الله يسهل حملك وولادتك يارب.