اما انا كنت اظن اني ذكيه واثاريني عكس
يوم كنت سادس طفشت من الكسل وستهزاء المعلمه بي فكرت اني اتغير وسالت بنت عمتي عن سر تفوقها وقالت لي بسيطه
انا كنت ارفع يدي حتى لو ما اعرف الجواب يعني (هي كانت باختصار عندها معلومات تذاكر في البيت واذا جات في الفصل وسالت المعلمه عن شئ تجاوب ومن الطبيعي المعلمه تعطي فرصه للكسلانات واذا رفعت الممتازة ما راح تقومها اذا بغت تعطي فرصه لغيرها ولان بنت عمتي تعرف متى ترفع يدها )
قلت لها بسيطه خلاص ابغي اصير ممتازة ويوم رحت المدرسه وسالت المدرسه عن شئ طبعا انا كنت مثلي مثل الماصه ولا اقوم وارفع يدي واقول ابله ابله والمدرسه تشوفني وتستغرب !!! كيف رفعت يدي ؟وتقول للبنات اصه اخيرا رفعت يدك ويوم شفتني اني انا المستقصده تدريجيا انزل يدي لين صار اصبعي تحت الماصه لاني تورطت فقالت المدرسه ها يا...........قومي جاوبي بغيت اذوب من الخوف واقوم واسوي نفسي اني نسيت الجواب ويجيني هاك التهزي المحترم واصير واقفه من بدايه الحصه بدل ما اكون من نهايتها
وسلامتكم وللحديث بقيه
لا يفوتكم ذكريات الابتدائية
متابعة النقاش، صفحة 10