شكرالكل الافادني برايه والله يخليلكم اولادكم ويرزق الي ما عندهم يارب بنسبه ليا انا مرا احمل اتعب نفسيه مرا كتير من الاستفراغ و الدوخه وانا طبيعتي عصبيه و اعصب بزياده وهذا الي مخليني افكر مليون مره قبل ما احمل واولادي ولله الحمد مدخلتهم مدارس من بداية السنه وحد روضه و التاني حضانه بس برضو ما ابغا اتعب ابغا اعيش حياتي اهتم بجسمي والعب مع اولادي و اروح الملاهي(عافه حتقولو بزه بس هذي الحقيقه ) و اسافر و انبسط لو حملت اكيد حانحرم من اهذي الاشياء لمده لاتقل عن سنه ونصف انا ما صدقت اولادي بدئو يكبرو شوي بدات اتنفس شوي واهتم بنفسي حارجع للغلب تاني
بالنسبه للبنات انا اشيل همهم الاولاد خلاص مع ابوهم انا اخلي مسئوليتي منهم لكن البنات يوقفو بحلق امهم لا تقدر تخرج ولا تدخل الا وهم معاها وبعد كدا تعلميها الدوره و الزواج والحلاوه والاشياء التانيه احس لو جاتني بنت حاستحي و ما اقدر اقلها هذي الاشياء فخلينا على الاولاد اسهل